web counter
LEXO PA REKLAMA!

SHKARKO APP

App Store
Google Play

E fundit!

x

Blindohet Vlora/ Sokol Sinomati me nofkën "buzëderri" i pranishëm në varrimin e djalit

9 Janar 2024, 10:54, Kronika CNA
Blindohet Vlora/ Sokol Sinomati me nofkën "buzëderri" i
Foto nga qyteti i Vlorës

Më shumë se 100 forca policie ndodhen në terren në Vlorë, pasi Sokol Sinomati, i njohur me nofkën ‘buzëderri’, ka marrë leje nga burgu dhe po merr pjesë në ceremoninë motore të djalit të tij Gëzim Sinomati.

Ky i fundit u vra me snajper mbërmjen e 7 janarit në qytetin bregdetar.

Varrimi i të riut pritet të zhvillohet në orën 11:00.

Vrasja dyshohet të jetë kryer me pagesë nga persona të përgatitur më së miri për këtë ngjarje. Deri më tani nuk janë gjendur as gëzhoja dhe as arma e krimit dhe policia nuk ka arrestuar asnjë person. 

Dyshohet se autorët kanë qenë me një makinë të llojit "BMW", e cila është djegur në pjesën e pasme të saj pasi ndërhyrja në kohë e zjarrfikëses ka bërë që mjeti të shpëtojë në një pjesë të tij.

Megjithatë në brendësi nuk është gjetur ndonjë provë e qenësishme.

Kush është Sokol Sinomati? 

Sinomati është njohur nga të gjithë si anëtar i bandës së Gazment Brrakës. Më shumë se 23 vite më parë ai zbriti nga makina e tij tip “Benz”, dhe qëlloi në mes të ditës me breshëri automatiku ndaj Sokol Nuhos, në atë kohë 29 vjeç. Ky i fundit ishte i armatosur, dhe prandaj i është kundërpërgjigjur për vetëmbrojtje duke qëlluar me pistoletë teksa qëndronte i ulur brenda në lokal.

Mirëpo, shënjestra e tij, shpëtoi pasi asnjë plumb nuk e preku. I vrarë aksidentalisht mbeti Luigj Xhafa, 42 vjeç, i cili po lëvizte me biçikletën e tij pak metra më tutje

“Buzëderri” ishte larguar në drejtim të Radhimës, ku dhe u strehua në një nga vilat e plazhit. Ai u rrethua nga forca të shumta policie dhe për plot 3 orë nuk pranoi të dorëzohej./CNA 





Lajmet e fundit nga