web counter
LEXO PA REKLAMA!

SHKARKO APP

App Store
Google Play

E fundit!

x

Vetëvrasja e Bedrie Lokës/ Klodiana Lala zbulon dy elementet dyshues për Xhemal Lokën

8 Janar 2024, 22:54, Kronika CNA
Vetëvrasja e Bedrie Lokës/ Klodiana Lala zbulon dy elementet dyshues
Gazetarja Klodiana Lala

Gazetarja Klodiana Lala, e ftuar në emisionin “Opinion” ka zbuluar se policia ka dyshime se profili fals në Tik Tok i Bedrie Lokës është hapur nga bashkëshorti i saj Xhemal Loka.

Sipas gazetares ka dy detaje që provojnë këtë është fshehja e telefonit si dhe alibia e gatshme për vdekjen e bashkëshortes së tij Bedrie Loka.

“Ajo që ka lënë dyshimet e para nga policia, kanë qenë 2 momente, së pari, bashkëshorti kishte fshehur telefonin e tij dhe nuk e dorëzonte në polici, e ka përdorur dhe djali i mitur. Me atë telefon, djali e thotë se herë pas here, i bënte video mamit dhe babit dhe ja dërgonte motrës dhe i thoshte se si mund të zgjidhej. Momenti i dytë, ai ka pasur një alibi të gatshme, çka do të thotë se vetë policia tashmë dyshon se është bashkëshorti i arrestuar që e ka hapur këtë faqe në TikTok sepse e ka pasur alibi. Akoma nuk është e provuar. Denoncimi i Bedrie Lokes është pa autor. Bashkëshorti thotë mes të tjerash në referimin e parë në polici “ka pasur anth dhe stres për shkak të TikTokut, unë ja kam falur këtë gjë”. Nuk është vetëm kjo video, por janë dhjetëra video të tjera ku dëshmohet dhuna sistematike”, u shpreh Klodiana Lala.

Po ashtu gazetarja theksoi se Bedrie ka kërkuar ndihmë në çdo institucion por nuk ka marrë asgjë.

“Problemi është se kam parë në mënyrë fyese dhe denigruese që edhe familja e Xhemal Lokës, tentonte të fyente kujtimin e viktimës së ndjerë. Pashë vjehrrën e të ndjerës që thoshte se “ajo ka vjedhur lekët e djalit tim e të tjera më radhë” dhe është e pajustifikueshme dhe nga vetë ne mediat që japim mundësinë për këtë gjë. Denigrohej në mënyrë të tmerrshme, fotoja e saj ishte në çdo rrjet social të mundshëm. Kishte klithur për ndihmë në çdo institucion të pazonjat për ta ndihmuar. Në momentin që ajo zonjë kërkonte ndihmë, askush nuk u gjet aty, të gjithë qanin hallin se si do të ndahej ajo shtëpia 2-katëshe”, tha gazetarja Klodiana Lala./ CNA





Lajmet e fundit nga