web counter
LEXO PA REKLAMA!

SHKARKO APP

App Store
Google Play

Video - Policia mburret me disa doza kanabis/ Aksion si nëpër filma

11 Janar 2024, 09:56, Kronika CNA
Video - Policia mburret me disa doza kanabis/ Aksion si nëpër filma
Droga e sekuestruar

Policia e Shkodrës ka kryer një aksion si nëpër filma për të kapur disa doza kanabis.

Blutë janë organizuar dhe në bulevardin “Bujar Bishanaku” kanë ndaluar 22-vjeçarin me iniciale Y. D., i cili po lëvizte me një makinë tip “Benz”.

Ata i kanë kapur të riut disa doza kanabis dhe këtë operacion e kanë shitur si një sukses duke e reklamuar në media.

Ndërkohë që Shqipëria “mbytet” nga droga, policia mburret për kapjen e disa dozave kanabis.

Njoftimi i policisë:

Shkodër/Vijon me intensitet megaoperacioni antidrogë “Tempulli”.

Lëvizte me automjet për të shpërndarë doza cannabisi, në lagje të ndryshme të qytetit, arrestohet në flagrancë 22-vjeçari.

Sekuestrohen dozat e lëndës narkotike, automjeti dhe celulari i të arrestuarit.

Si rezultat i administrimit të shpejtë të inteligjencës policore, të siguruar në vijim të megaoperacionit “Tempulli”, se një shtetas shiste lëndë narkotike cannabis sativa, në doza, në lagje të ndryshme të Shkodrës, specialistët e Seksionit për Hetimin e Narkotikëve të Drejtorisë Vendore të Policisë Shkodër, në bashkëpunim me shërbimet e Forcës së Posaçme “Shqiponja”, kapën në flagrancë këtë shtetas.

Konkretisht, u vu në pranga shtetasi Y. D., 22 vjeç, banues në Shkodër.

22-vjeçari u arrestua në bulevardin “Bujar Bishanaku”, teksa lëvizte me një automjet tip “Benz”, për të shpërndarë doza të lëndës narkotike cannabis sativa, në lagje të ndryshme të qytetit të Shkodrës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga