web counter
LEXO PA REKLAMA!

SHKARKO APP

App Store
Google Play

Arrestimi i Mark Frrokut/ Vjen reagimi nga Kisha Katolike: S’kemi lidhje, disa persona kanë dashur të përfitojnë

30 Tetor 2023, 09:51, Kronika CNA

Arrestimi i Mark Frrokut/ Vjen reagimi nga Kisha Katolike: S’kemi lidhje,

Ish-deputeti Mark Frroku është arrestuar gjatë një sherri për një pronë në zonën e Kepit të Rodonit në Durrës, ku është përdorur edhe armë zjarri. 

Raportohet se në konflikt janë përfshirë disa persona që pretendojnë se janë përfaqësues të Kishës Katolike, me banorët e zonës, të fshatit Shetaj, mes tyre edhe ish-deputeti i PS Mark Frroku dhe të afërm të tij. Në total policia ka arrestuar 8 persona. 

Ndërkohë ka ardhur edhe një reagim në lidhje me ngjarjen. Përfaqësuesja e Kishës Katolike në këtë zonë, Ana Shtjefni,  ka bërë me dije se personat që kanë pretenduar se janë përfaqësues të Kishës, nuk janë të tillë. Sipas saj Kisha Katolike nuk ka lidhje fare me këtë ngjarje. 

Shtjefni ka theksuar se personat që kanë nisur rrethimin e zonës dhe nuk janë përfaqësues të Kishës dhe as të autorizuar nga kjo e fundit, dhe se sipas Shtjefnit kanë dashur vetëm të përfitojnë nga ky konflikt.

Kjo deklaratë bie ndesh me njoftimin e policisë, ku theksohet se Frroku ka qenë përfaqësues i kishës./CNA

 





Lajmet e fundit nga