web counter
LEXO PA REKLAMA!

SHKARKO APP

App Store
Google Play

Dy kompani private derdhin mbetje të hidrokarbureve në Gjanicë/ Nisin hetimet për 3 persona, mes tyre dy drejtorë

27 Tetor 2023, 09:54, Kronika CNA
Dy kompani private derdhin mbetje të hidrokarbureve në Gjanicë/
Foto ilustruese

Policia ka zbuluar se dy kompani private në Fier derdhnin mbetje të hidrokarbureve në lumin Gjanica.

Blutë kanë nisur hetimet për 3 persona, mes të cilëve dy drejtorë.

Mësohet se janë proceduar penalisht në gjendje të lirë shtetasit me iniciale: 

-K. A., 34 vjeç, me detyrë drejtor i Qendrës së Prodhimit të Naftës, Fier, dhe S. A., 35 vjeç, me detyrë përgjegjës i Sektorit të Dekantimit, Patos, në një kompaninë private Sh. A.;
-E. B., 61 vjeç, me detyrë drejtor i operacioneve të hidrokarbureve, në një kompani tjetër private, gjithashtu Sh. A.

Nga hetimet rezulton se 2 kompanitë private ku janë punonjës përgjegjës këta 3 persona, nëpërmjet aktivitetit të tyre në fushën e hidrokarbureve, kanë ndotur ujërat e lumit Gjanica, pasi kanë shkarkuar aty, mbetjet e këtyre lëndëve.

Ndërkaq, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale, për veprën penale "Ndotja e ajrit, e ujërave dhe e tokës"./ CNA

 





Lajmet e fundit nga