web counter
LEXO PA REKLAMA!

SHKARKO APP

App Store
Google Play

E fundit!

x

Ishte në burgun "Jordan Misja" për kultivim droge/ Ndërron jetë 31-vjeçari i dënuar për dosjen 'Shpirti'

28 Tetor 2023, 19:31, Kronika CNA
Ishte në burgun "Jordan Misja" për kultivim droge/
Foto ilustruese

Një 31-vjeçar i dënuar për kultivim bimësh narkotike ka ndërruar jetë pasditen e kësaj të shtune pas një arresti kardiak.

Lajmin e bëri të ditur Drejtoria e Përgjithshme e Burgjeve, ku njoftoi se ngjarja ka ndodhur rreth orës 16.20 në Reanimacionin Qendror të QSUT.

31-vjeçar që ndërroi jetë është shtetasi Artan Luan Zyliftari, i datëlindjes 17.04.1992, lindur dhe banues në Skrapar.

Ndaj shtetasit Artan Luan Zyliftari ishte marrë masa e sigurisë 'arrest me burg' me datë 30.06.2021 të Gjykatës së Posaçme të Shkallës së Parë për Korrupsionin dhe Krimin e Organizuar, i dyshuar për veprat penale kultivim i bimëve narkotike në bashkëpunim. Ai ishte i vendosur në sektorin 1, godina B të IEVP Jordan Misja”, nga data 05.07.2021.

Ditën e sotme rreth orës 15:12 punonjësi i sigurisë në detyrë, njoftohet nga të paraburgosurit e dhomës për shqetësimet shëndetësore të shtetasit Zyliftari. Në mënyrë të menjëhershme është paraqitur stafi shëndetësor në detyrë dhe kanë bërë përpjekje për ti dhënë ndihmën e parë në ambjentet e infermierisë.

Në orën orën 15.28 pacienti është shoqëruar për në QSUT, Pavioni Kardiologji. Megjithë ndërhyrjen e stafit të specializuar në QSUT, në orën 16:20, pacienti ka bërë exitus letalus (vdekje) nga arrest kardiak.

Pacienti gjatë qëndrimit në Institucionin e Ekzekutimit të Vendimeve Penale Jordan Misja, është kontrolluar rregullisht dhe gjithë vizitat mjekësore dhe terapitë janë administruar në kartelen shëndetësore nr.3350 të këtij pacienti. Pacienti është trajtuar për hipertension sipas protokolleve të miratuara dhe gjendja shëndetësore e tij ka qenë e qëndrueshme.

Drejtoria e IEVP Jordan Misja, ka kryer të gjitha procedurat ligjore të parashikuara, duke njoftuar strukturat e Policisë së Shtetit, të Prokurorisë dhe familjarët./ CNA





Lajmet e fundit nga