E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Abuzimi seksual në Vlorë/ Vëllai i 26-vjeçares thyen heshtjen: Të arratisurit do t’i gjej, nuk do i fal kurrë

28 Tetor 2023, 10:18, Kronika CNA

Abuzimi seksual në Vlorë/ Vëllai i 26-vjeçares thyen

Policia Vlorë

Vëllai i 26-vjeçares, e cila u përdhunua në grup nga i dashuri dhe shokët e tij në një hotel në Vlorë, ka kërkuar dënimin me burg të 4 autorëve të ngjarjes.

Për mediat, ai është shprehur se kur ndodhi ngjarja e rëndë, ndodhej jashtë vendit dhe u njoftua nga mjekët e spitalit të Vlorës, për atë që kishte ndodhur me motrën e tij. Ai tha se motra e tij i kishte treguar se fillimisht kishte dalë për të pirë një kafe me një nga shok.

“Motra më tha që kishte dalë më një djal për të pirë kafe. Pasi kishte shkuar në lokal, motra ka ikur në tualet dhe kur është rikthyer personi me të cilin ishte, i kishte dhënë të pinte një gotë. Më pas i ka thënë hajde ikim që këtej dhe më pas e ka dërguar në hotel në qendër të Vlorës. Motra s’ka qenë e vetëdijshme. Ajo është larguar me një person, personat e tjerë i ka lajmëruar ky në telefon, nuk e di”, u shpreh ai.

Vëllai i 26-vjeçares nënvizoi se janë 4 persona ata që kanë marrë pjesë në abuzimin seksual ndaj vajzës dhe nëse nuk ua fal shteti, ai theksoi se nuk do ua falë kurrë atë që bënë me motrën e tij.

“Janë katër persona që kanë marrë pjesë në abuzimin e motrës sime, edhe nëse shteti ua fal, nuk ua fal unë. Nëse e bën shteti dhe gjykata, nuk ua fal unë”, u shpreh i riu për euronews, duke shtuar se dy të arratisurit nëse nuk kapen nga policia, do i gjejë ai vetë. “Dy personat e arratisur nëse nuk i ka shteti do i gjej vetë se ku janë, sepse e di mirë kush janë. I kam marrë vesh që të gjitha, ku rrinë dhe ku i kanë familjarët, vëllezër e motra. Duhet të ishte bërë brenda 72 orëve. Kam dyshime të tjera, se njerëzit paguajnë lekë, korruptojnë. Emra konkret nuk kanë. S’kam pasur dijeni për lidhjen e motrës sime. Nuk e di që ai është i martuar. Të shikohet nga kamerat e spitali kush i ka bërë kërcënim motrës sime. Ajo më ka thënë që i ka shkuar një djalë dhe nëna e një prej personave", u shpreh ai.

Përdhunimi i 26-vjeçares:

E reja u përdhunua në grup më 21 tetor në një hotel në Vlorë nga i dashuri i saj dhe shokët e tij. Dy prej tyre ndodhen në qeli, ndërsa i treti është në kërkim. Ndërkohë policia po punon për kapjen e 36-vjeçari me inciale V.K., banues në Vlorë, pasi ky i fundit akuzohet për veprën penale “Nxitja për përdorimin e drogës"./CNA