web counter
LEXO PA REKLAMA!

SHKARKO APP

App Store
Google Play

Arratisja nga burgu i Shënkollit/ Policia e Shtetit: 10 mijë euro kush jep informacion për 49-vjeçarin

4 Shkurt 2025, 11:29, Kronika CNA

Arratisja nga burgu i Shënkollit/ Policia e Shtetit: 10 mijë euro kush

Policia e Shtetit është vënë në kërkim të shtetasit Daut Laze, i cili është arratisur sot nga burgu i Shënkollit në Lezhë.

Institucionet kanë vënë një shpërblim prej 10 mijë eurosh për personat që japin informacion rreth vendondodhjes së 49-vjeçarit.

“Menjëherë pas njoftimit nga Drejtoria e Përgjithshme e Burgjeve, se në orët e para të mëngjesit të sotëm, gjatë ndërrimit të turneve dhe kryerjes së apelit në Institucionin e Posaçëm Mjekësor, Lezhë, është konstatuar mungesa e pacientit, shtetasit Daut Laze, 49 vjeç, shërbimet e Policisë së Shtetit kanë organizuar punën dhe po kryejnë kontrolle intensive për gjetjen e tij.

Sqarojmë se shtetasi Daut Laze është arrestuar në vitin 2021, për veprën penale “Dhuna në familje”, dhe në vitin 2024, Gjykata e Tiranës i ka caktuar masën “Mjekimi i detyruar në një institucion mjekësor”.

49-vjeçari paraqet rrezikshmëri shoqërore, prandaj kërkojmë ndihmën e qytetarëve, për të njoftuar menjëherë Policinë e Shtetit, për çdo të dhënë në lidhje me vendndodhjen e tij.

Në bashkëpunim me Drejtorinë e Përgjithshme të Burgjeve, vijon puna për lokalizimin dhe kapjen e 49-vjeçarit.

Policia e Shtetit ka vendosur shpërblimin 10.000 euro për çdo informacion të vlefshëm mbi vendndodhjen e këtij shtetasi. Qytetarët mund të njoftojnë në numrin pa pagesë 112 të Policisë së Shtetit dhe në numrin 068 200 29 61, të vendosur nga Drejtoria e Përgjithshme e Burgjeve”, njofton policia.





Lajmet e fundit nga