web counter
LEXO PA REKLAMA!

SHKARKO APP

App Store
Google Play

E fundit!

x

Finalizohet operacioni policor/ Ndalohet 42-vjeçari i shumëkërkuar

4 Shkurt 2025, 10:19, Kronika CNA

Finalizohet operacioni policor/ Ndalohet 42-vjeçari i

Drejtoria e Forcës së Posaçme Operacionale ka finalizuar operacionin policor të koduar “Operacionalja 25”.

Operacioni është rezultat i bashkëpunimit me Zyrën Federale të Policisë Kriminale të Gjermanisë (BKA) dhe i koordinimit nga rrjeti ndërkombëtar ENFAST.

Nga ky operacion është bërë i mundur ndalimi në Tiranë i një shtetasi, i akuzuar në Gjermani për mashtrim në mënyrë të përsëritur.

Shetatasi R. G., 42 vjeç, me kombësi izraelite dhe me shtetësi kanadeze, u lokalizua në zonën e quajtur “Komuna e Parisit”, Tiranë.

“Si rezultat i shkëmbimit të shpejtë të informacioneve, ndërmjet Drejtorisë së Forcës së Posaçme Operacionale (FAST Albania) dhe Zyrës Federale të Policisë Kriminale të Gjermanisë (BKA), nëpërmjet rrjetit ENFAST, u finalizua operacioni policor i koduar “Operacionalja 25”.

Gjatë operacionit, u lokalizua në zonën e quajtur “Komuna e Parisit”, Tiranë, dhe u arrestua provizorisht, me qëllim ekstradimin në Gjermani, shtetasi i shpallur në kërkim ndërkombëtar, R. G., 42 vjeç, me kombësi izraelite dhe me shtetësi kanadeze.

Gjykata e Bambergut, Gjermani ka lëshuar urdhër ndalimi për këtë shtetas, për mashtrim, të kryer në mënyrë të përsëritur, veprimtari kriminale për të cilën Kodi Penal i Gjermanisë parashikon dënim deri në 15 vjet burgim.

Interpol Tirana po bashkëpunon me homologët, për të finalizuar procedurën për ekstradimin e 42-vjeçarit, në Gjermani”, - thuhet në njoftimin e Policisë./ CNA 

 

 

 





Lajmet e fundit nga