web counter
LEXO PA REKLAMA!

SHKARKO APP

App Store
Google Play

Apeli i GJKKO-së lë në qeli Erzen Breçanin dhe tre të arrestuarit e tjerë

4 Janar 2024, 09:50, Kronika CNA
Apeli i GJKKO-së lë në qeli Erzen Breçanin dhe tre të
Erzen Breçani

Apeli i GJKKO-së ka lënë në fuqi masën e arrestit për Besmir Muratin, Bujar Ajetin, ish-shefi i Krimeve në Komisariatin numër 6, Dedaj Gjonin dhe Erzen Breçanin, të akuzuar për grup kriminal, Pastrimi i produkteve të veprës penale ose veprimtarisë kriminale dhe trafik kokaine nga Amerika Latine në Bashkimin Evropian. 

Sipas njoftimit të gjykatës, kundër këtij vendimi mund të bëhet rekurs në Gjykatën e Lartë, brenda 45 ditëve nga e nesërmja e njoftimit të tij.

Vendimi i Gjykatës:

"Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 04.01.2024, ora 09:00, shpalli vendimin mbi çështjen penale nr. 61 akti, datë 26.12.2023 regjistrimi, regjistruar mbi ankimin e personave nën hetim: B.M., B.A., D.Gj. dhe E.B., me objekt: “Ankim ndaj vendimit nr. 128, datë 23.11.2023 të Gjykatës së Posaçme të Shkallës së Parë për Korrupsionin dhe Krimin e Organizuar, i verifikuar me vendimin nr. 128, datë 23.11.2023, të kësaj gjykate”që ka disponuar në lëndë të masave të sigurimit personal,dhe vendosi:

1.Miratimin e vendimit nr. 124, datë 17.11.2023, të Gjykatës së Posaçme të Shkallës së Parë për Korrupsionin dhe Krimin e Organizuar, i verifikuar me vendimin nr. 128, datë 23.11.2023, të kësaj gjykate;

2. Kundër këtij vendimi mund të bëhet rekurs në Gjykatën e Lartë, brenda 45 (dyzet e pesë) ditëve nga e nesërmja e njoftimit të tij./CNA 

 

 





Lajmet e fundit nga