E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zhgënjimi me ligjet e Kalifornisë, Musk do të zhvendosë selitë e kompanive "SpaceX" dhe "X"

17 Korrik 2024, 07:52, Kosova & Bota CNA

Zhgënjimi me ligjet e Kalifornisë, Musk do të zhvendosë

Elon Musk

Elon Musk tha të martën se do të zhvendosë nga Kalifornia në Teksas selitë e dy kompanive, "SpaceX" dhe "X", duke përmendur një ligj të ri në Kaliforni për identitetin gjinor si “shtysën e fundit” për marrjen e vendimit.

Miliarderi, i cili javën e kaluar shprehu mbështetjen për republikanin Donald Trump për postin e presidentit të Shteteve të Bashkuara, po vendos në Teksas pothuajse të gjitha selitë e kompanive të tij, përfshirë kompaninë "Tesla" në vitin 2021.

Njeriu më i pasur në botë, zoti Musk, e ndryshoi rezidencën e tij në vitin 2021 nga Kalifornia për në Teksas, shtet i cili nuk ka tatim shtetëror mbi të ardhurat për banorët e tij.

Një ligj i ri në Kaliforni, i cili i ndalon drejtoritë arsimore që të kërkojnë nga mësuesit t’i njoftojnë prindërit kur një nxënës ndryshon identitetin gjinor ose orientimin seksual, ndihmoi në nxitjen e njoftimit të së martës, tha Musk.

“Për shkak të këtij ligji dhe shumë të tjerëve që i paraprinë atij, që vë në shënjestër familjet dhe bizneset”, tha Musk duke shpjeguar vendimin e tij në rrjetin "X". Ai ka një vajzë transgjinore.

Gjatë viteve të fundit, shefi i kompanive "SpaceX" dhe "Tesla" është shprehur hapur për politikën në vend dhe ka kritikuar shpesh administratën e Presidentit Biden dhe qëndrimet e demokratëve për çështje të ndryshme, përfshirë të drejtat transgjinore dhe emigracionin.

Historikisht, votuesit në Kaliforni i kanë mbështetur kandidatët demokratë, ndërsa Teksasi konsiderohet një bastion i fuqishëm republikan.

Musk tha se zyra kryesore e firmës "SpaceX" do të zhvendoset në një objekt ekzistues në Boca Chica, Teksas, ndërsa "X" do të zhvendoset në Austin. Është e paqartë se në çfarë shkalle do të transferohen nga Kalifornia në Teksas vendet e punës dhe objektet e kompanive të tij.

Kompania "SpaceX" ka një seli madhështore pranë qytetit Los Anxhelos në Kaliforni, një qendër të rëndësishme ku mijëra punonjës ndërtojnë raketën e fuqishme Falcon 9, kapsulat Dragon për astronautët dhe disa satelitë.

Në vitin 2021, Musk zhvendosi zyrat qendrore të firmës "Tesla" nga Kalifornia në Teksas, por vitin e kaluar tha se Kalifornia do të mbetet qendra për inxhinierinë. Më herët këtë vit, ai i zhvendosi nga shteti Delauer dokumentet ligjore të themelimit të korporatës "SpaceX", pas një vendimi të një gjykatëseje që anuloi planin e kompensimit të Musk prej 56 miliardë dollarësh nga firma "Tesla", siç ishte rënë dakord në vitin 2018 përmes një vote nga aksionarët./ Voa