web counter
LEXO PA REKLAMA!

SHKARKO APP

App Store
Google Play

Atentati ndaj Trump-it/ Vjen reagimi nga Moska

15 Korrik 2024, 09:31, Kosova & Bota CNA
Atentati ndaj Trump-it/ Vjen reagimi nga Moska
Zëdhënësi i Kremlinit, Dmitry Peskov. Foto: "Reuters"

Autoritetet në Kremlin njoftuan të dielën se nuk besojnë që administrata amerikane ishte përgjegjëse për atentatin e së shtunës ndaj kandidatit për president të SHBA-së, Donald Trump, por e akuzoi atë për krijimin e një atmosfere që provokoi sulmin.

Trump u qëllua në vesh gjatë një mitingu në Pensilvani, në një sulm që tani po hetohet si një atentat.

Sulmuesi u qëllua për vdekje dhe zyrtarët e zbatimit të ligjit thanë se nuk kishin gjetur ende një motiv për këtë ngjarje, raporton "Reuters". 

“Ne nuk besojmë se përpjekja për të eliminuar dhe vrarë Trump-in është organizuar nga autoritetet aktuale”, u tha gazetarëve zëdhënësi i Kremlinit, Dmitry Peskov.

"Por atmosfera rreth kandidatit Trump provokoi atë që Amerika po përballet sot", shtoi ai.

Peskov nënvizoi se Rusia dënon çdo dhunë në rrjedhën e luftës politike. Komentet e tij u bënë jehonë atyre të disa prej aleatëve republikanë të Trump-it, të cilët menjëherë ia hodhën fajin Biden-it.

“Pas përpjekjeve të shumta për të hequr kandidatin Trump nga arena politike, duke përdorur mjetet e para ligjore, gjykatat, prokurorët, përpjekjet për të diskredituar politikisht dhe kompromentuar kandidatin – ishte e qartë për të gjithë vëzhguesit e jashtëm se jeta e tij ishte në rrezik”, tha Peskov.

Ai shtoi se nuk kishte plane që Presidenti Vladimir Putin të telefononte Trump-in në dritën e incidentit.

Putin-i ka thënë se rezultati i zgjedhjeve presidenciale amerikane nuk ka gjasa të ndryshojë asgjë për Rusinë dhe se presidenca e Trump-it kishte dëmtuar marrëdhëniet SHBA-Rusi.

Por udhëheqësi rus ka shfaqur një interes publik për deklaratat e Trump-it se ai mund t'i japë fund luftës në Ukrainë, duke thënë se ai nuk i di detajet, por mbështet idenë e përfundimit të luftës në parim./CNA 

 





Lajmet e fundit nga