Çfarë dimë deri më tani për atentatin ndaj Trump-it/ Autori, viktima dhe të plagosurit

14 Korrik 2024, 11:27, Kosova & Bota CNA

Çfarë dimë deri më tani për atentatin ndaj Trump-it/

Donald Trump

Për atentatin me armë zjarri ndaj ish-presidentit amerikan Donald Trump, autoritetet kanë identifikuar personin e armatosur dhe kanë dhënë detaje rreth viktimës dhe të plagosurve.

Ngjarja e rëndë ndodhi të shtunën gjatë një tubimi të Trump-it në Pensilvani.

Personi i armatosur: FBI e identifikoi atë si 20-vjeçarin Thomas Matthew Crooks, i cili jetonte në Bethel Park, Pensilvani, rreth 35 milje në jug të vendndodhjes së tubimit. Ai u vra në vendngjarje nga agjentët e Shërbimit Sekret. Të dhënat publike tregojnë se ai ishte regjistruar për të votuar si republikan, por bëri edhe një donacion të vogël për një grup të lidhur me demokratët në 2021. 20-vjeçari ishte vendosur mbi godinën e një banese në momentin që hapi zjarr.

Çfarë dimë deri më tani për atentatin ndaj Trump-it/

Kërcënime të mëtejshme: Autoritetet në një konferencë shtypi thanë se aktualisht nuk besojnë se ka ndonjë kërcënim shtesë ekzistues, por se është ende një hetim aktiv dhe është shumë herët për të thënë përfundimisht si ndodhi i gjithë atentati.

Viktima: Të shtënat lanë të vdekur një pjesëmarrës dhe dy të tjerë të plagosur rëndë, thonë autoritetet. Edhe pse ato janë identifikuar nga autoritetet, këto detaje ende nuk janë bërë publike.

Statusi i Trump-it: Një zëdhënës tha se Trump është mirë dhe Shërbimi Sekret njoftoi se ai ishte i sigurt. Ish-presidenti u shpreh në rrjetet sociale se u godit nga një plumb në "pjesën e sipërme të veshit tim të djathtë". Në orët e para të mëngjesit të së dielës, Trump u kthye në Newark, New Jersey.

Hetimi: Agjenci të shumta federale dhe shtetërore po hetojnë tani se çfarë ndodhi, si sulmuesi hyri në vendndodhjen e tij, çfarë arme u përdor dhe pyetje të tjera që ende nuk kanë marrë përgjigje publike. FBI i ka kërkuar publikut të paraqesë çdo informacion, foto ose video në lidhje me të shtënat.

Biden nxiton të kthehet: Presidenti Joe Biden ishte në Delaware në kohën kur ndodhi ngjarja e rëndë. Biden u kthye në Shtëpinë e Bardhë herët në mëngjes të dielën në mënyrë që të mund të vazhdojë të informohet nga forcat e rendit. Më herët, ai tha se kishte folur me Trump-in dhe dënoi publikisht sulmin.

Siguria e ish-presidentit: Nuk kishte asnjë kërkesë shtesë për sigurinë e ish-presidentit Donald Trump për tubimin e tij në Butler, Pensilvani të shtunën, tha Kevin Rojek, agjenti special i FBI-së në krye të zyrës së Pittsburgh. "Nuk kishte asnjë kërkesë shtesë për sigurinë që ishte mohuar ndonjëherë nga FBI," tha ai në një konferencë shtypi në Butler më herët sonte. Rojek tha se FBI-ja kishte monitoruar ngjarjen dhe mori juridiksionin parësor mbi hetimin kur ndodhi të shtënat./CNA