A mund t'i hiqet Hungarisë Presidenca e Këshillit të BE-së?

15 Korrik 2024, 10:02, Kosova & Bota CNA

A mund t'i hiqet Hungarisë Presidenca e Këshillit të

Viktor Orban

Kryeministri hungarez, Viktor Orban, vendit që mban presidentin e radhës, po zemëron BE-në me turet e udhëtimit nëpër botë. Por a mund t'i merret Hungarisë presidenca e BE-së?

BE nuk ka parë kurrë më parë një presidencë si kjo

Tanimë europarlamentarët ndihen të konfirmuar në pikëpamjen e tyre. "Presidenca e Këshillit duhet t'i hiqet Viktor Orbanit. Në fakt, ai nuk duhet ta kishte marrë atë që në fillim," deputeti i Parlamentit Evropian, Daniel Freund, nga të Gjelbrit, një nga kritikët më të ashpër të Orbanit. Një presidencë si kjo, BE nuk e ka parë më parë, thotë Freund. Një vend që BE i ka ngrirë një pjesë të madhe të fondeve për shkak të "shkeljeve të shumta të shtetit ligjor dhe korrupsionit" nuk duhet të flasë për të gjithë BE-në dhe "sigurisht nuk duhet të shfaqet në këtë mënyrë në Moska dhe Pekini”, thekson ai.

Dy modele kundër Orbanit

Do të kishte dy mënyra për të korrigjuar këtë gabim: BE-ja mund të prezantojë kritere që një vend duhet të përmbushë për të marrë presidencën e Këshillit. Një pjesë e këtyre kritereve mund të jetë që një vend kundër të cilit janë në vazhdim procedurat për shkeljen e vlerës themelore dhe të cilit Komisioni i BE-së i mban fondet për shkak të shkeljeve të sundimit të ligjit, mund të mos e marrë presidencën. Kjo është një ide që qarkullon këto ditë në Bruksel.

Masat e para kundër Orbanit

Megjithatë, shumë diplomatë të BE-së janë skeptikë dhe qeveritë e BE-së duket se po i shmangen tërheqjes së presidencës. Në takimin e tyre të fundit, ambasadorët e BE-së e shprehën hapur zemërimin e tyre ndaj Orbanit. Por një "tërheqje" e presidencës së BE nuk ishte në rendin e ditës dhe nuk do të jetë çështje në të ardhmen", shpjegoi më pas ministri hungarez për Evropën, Janos Boka. Megjithatë disa shtete kanë marrë masa demonstrativisht. Lituania njoftoi se nuk dërgojë "përkohësisht" ministrat e saj në takime që mbahen në Hungari në kuadrin e presidencës, por kjo vlen për takime jozyrtare. Në vend të ministrave do të dërgohen përfaqësues të lartë. Suedia gjithashtu njoftoi se nuk do të dërgonte ministra në Budapest. Estonia, Letonia dhe qeveri të tjera të BE-së duan të ndjekin këtë shembull, por nuk kanë dhënë ende detaje./DW