LEXO PA REKLAMA!

SHKARKO APP

Zgjedhjet në veri të Kosovës, Kurti: Nevojitet marrëveshje ndërshtetërore

22 Nëntor 2023, 15:24, Kosova & Bota CNA
Zgjedhjet në veri të Kosovës, Kurti: Nevojitet marrëveshje
Albin Kurti

Kryeministri i Kosovës, Albin Kurti, ka zhvilluar një takim me Shefin e Misionit të OSBE-së në Kosovë, Michael Davenport.

Ndër të tjera, ata kanë diskutuar edhe për kërkesën e Serbisë për mbajtje të zgjedhjeve në territorin e Kosovës. 

Sipas zyrës së Kryeministrit, për këtë është e nevojshme një marrëveshje ndërshtetërore dhe se kërkesa për një marrëveshje të tillë duhet të vijë nga Serbia si palë e interesuar.

“U diskutua edhe rreth temave tjera aktuale. Sa i përket kërkesës së Serbisë për mbajtje të zgjedhjeve në territorin e Republikës së Kosovës, Kryeministri Kurti theksoi se siç ka njoftuar shefin e OSBE-së në përgjigjen e 17 nëntorit, për këtë është e nevojshme një marrëveshje ndërshtetërore dhe se kërkesa për një marrëveshje të tillë duhet të vijë nga Serbia si palë e interesuar”, thuhet në komunikatën e dërguar nga Zyra e Kryeministrit./CNA

 

 

Lajmet e fundit nga