web counter
LEXO PA REKLAMA!

SHKARKO APP

App Store
Google Play

Zelenski: Ukraina do t'i rrisë eksportet e energjisë elektrike në BE

28 Korrik 2022, 15:52, Kosova & Bota CNA

Zelenski: Ukraina do t'i rrisë eksportet e energjisë elektrike

Presidenti ukrainas, Volodimir Zelenski tha se vendi i tij do të rrisë eksportin e tij të energjisë elektrike në Bashkimin Europian dhe do të synojë të bëhet një nga garantuesit e sigurisë energjetike europiane, derisa Rusia shkurton furnizimet me gaz në bllok.

“Ne po përgatitemi të rrisim eksportet tona të energjisë elektrike për konsumatorët në Bashkimin Europian”, tha Zelenski më 27 korrik në fjalimin e tij të mbrëmjes drejtuar kombit.

Eksportet jo vetëm që do t’i lejojnë Ukrainës që të rrisë të ardhurat e saj, por gjithashtu do të ndihmojë partnerët e saj që t'i rezistojnë presionit rus të energjisë, tha ai.

Rrjeti elektrik i Ukrainës është lidhur me rrjetin europian në mes të marsit - gjë që ka mundësuar vazhdimin e furnizimeve, pavarësisht pushtimit rus.

Ukraina filloi eksportin e energjisë elektrike në BE nëpërmjet Rumanisë në fillim të korrikut.

Rregullatori i Energjisë i Gjermanisë e tha më herët se gjiganti shtetëror rus i energjisë "Gazprom" shkurtoi dërgesat e gazit në Europë përmes tubacionit Rrjedha Veriore 1, në rreth 20 për qind të kapacitetit siç pritej më 27 korrik.

Tubacioni Rrjedha e Veriut 1 është 1.200 kilometra i gjatë dhe shtrihet nën Detin Baltik, nga bregdeti rus pranë Shën Petersburgut deri në Gjermaninë verilindore./ REL





Lajmet e fundit nga