web counter
LEXO PA REKLAMA!

SHKARKO APP

App Store
Google Play

E fundit!

x

“Armët e avancuara do të na sjellin katastrofën”/ Zyrtari i lartë britanik jep alarmin

27 Korrik 2022, 22:06, Kosova & Bota CNA
“Armët e avancuara do të na sjellin katastrofën”/
Foto ilustruese

Bota është përballë një “epoke të rrezikshme”, në të cilën fuqitë rajonale si Rusia dhe Kina po ndjekin “agjenda problematike”, paralajmëroi sot shefi i Sigurisë Kombëtare të Mbretërisë së Bashkuar.

Këshilltari i Sigurisë Kombëtare, Stephen Lovegrove, kërkoi kujdes që të merren në konsideratë rreziqet që paraqesin për botën armët e një teknologjie të lartë që po zhvillohen sëfundmi.

Në një fjalim të fortë në Qendrën për Studime Strategjike dhe Ndërkombëtare në Uashington DC,  Lovegrove shtoi se “stabiliteti strategjik i NATO-s është në rrezik”. Gjatë Luftës së Ftohtë, tha ai, kërcënimi i një holokausti bërthamor detyroi dialogun e vazhdueshëm midis Shteteve të Bashkuara dhe BRSS raporton "abcnews".

Por tani, paralajmëroi Lovegrove, Perëndimi po përballet me “një gamë shumë më të gjerë të rreziqeve strategjike dhe rrugëve drejt përshkallëzimit”. Nuk janë më pak se 23 vende në posedim të raketave të dedikuara për sulm nga toka.

Kjo nuk është për të llogaritur listën në rritje të fuqive bërthamore, me Iranin që thuhet se është në një situata “shpërthyese” në drejtim të përdorimit të raketave me rreze të gjatë veprimi.

NATO duhet të jetë “përjetësisht vigjilente” ndaj shteteve që zhvillojnë armët, shtoi ai, të cilat mund të ndezin garën e armëve bërthamore midis fqinjëve rajonalë. “Ne kemi shqetësime të qarta për programin e modernizimit bërthamor të Kinës”, shpjegoi kreu i sigurisë kombëtare të Britanisë, “që do të rrisë numrin dhe llojet e sistemeve të armëve bërthamore në arsenalin e saj.

“Kjo është një perspektivë e frikshme”, shtoi ai.

Duke komentuar pushtimin rust ë Ukrainës, Lovegrove e përshkroi luftën si “një manifestim të një kontesti shumë më të gjerë që shpaloset mbi pasardhësin e rendit ndërkombëtar të pas Luftës së Ftohtë”.

“Kjo garë ka implikime të thella”, tha ai.

“Do të vendosë nëse jetojmë në një botë në të cilën fuqitë rajonale agresive si Kina dhe Rusia mund të ndjekin axhendat e rrezikshme të tyre– apo një botë në të cilën të gjitha shtetet mund të sigurojnë sovranitetin e tyre, ku konkurrenca nuk do të përshkallëzohet në konflikt, ku ne të bashkëpunojmë për të mbrojtur planetin”.

Shefi i sigurisë së Ëhitehall propozoi gjithashtu katër “parime për kontrollin e integruar të armëve” për të mbrojtur Perëndimin kundër lëvizjeve të çrregullta të shteteve armike.

Anëtarët e NATO-s dhe aleatët e tyre duhet të forcojnë “vijat e kuqe” kundër sjelljeve të rrezikshme, “të zgjerojnë bashkëbisedimin” që përfshin fuqitë e mëdha tradicionale për të përfshirë të gjitha vendet, të përqëndrohen në dialogun – siç tha Churchill dhe të marrim masa për të rritur besimin e ndërsjelltë.

Kjo do të thotë rritje e besimit në rendin ndërkombëtar, tha ai, për të “eliminuar shkaqet e mosbesimit, frikës, tensionit dhe armiqësisë”./CNA.al





Lajmet e fundit nga