web counter
LEXO PA REKLAMA!

SHKARKO APP

App Store
Google Play

Zbulohet arsyeja pse Kurti nuk mori pjesë në "Samitin e III të Diasporës" në Tiranë

23 Nëntor 2023, 13:01, Kosova & Bota CNA
Zbulohet arsyeja pse Kurti nuk mori pjesë në "Samitin e III
Albin Kurti

Të enjten u zhvillua në Tiranë dita e dytë e "Samitit të III të Diasporës", ku nuk mori pjesë kryeministri i Kosovës, Albin Kurti. Në këtë samit, nga Kosova, ishte e pranishme presidentja Vjosa Osmani. 

Për mediat në Kosovë, zëdhënësi i qeverisë, Përparim Kryeziu, tha se Kurti nuk ka mundur të marrë pjesë në këtë samit për shkak të angazhimeve në agjendë.

“Në Samitin e Diasporës, i cili po organizohet në Tiranë, nga Qeveria e Republikës së Kosovës, po marrin pjesë ministrja e Arsimit, Shkencës, Teknologjisë dhe Inovacionit, Arbërie Nagavci, dhe zëvendësministrja e Punëve të Jashtme dhe Diasporës, Liza Gashi. Gjithashtu, pjesëmarrëse është dhe Presidentja e vendit, Vjosa Osmani. Për shkak të angazhimeve në agjendë, përfshirë seancën e sotme të Kuvendit të Kosovës ku me kërkesë të opozitës do të raportojë mbi Raportin e Progresit të Komisionit Evropian, Kryeministri Kurti nuk ka mundur të marrë pjesë në këtë organizim”, tha Kryeziu.


Por edhe pse s’mori pjesë, për Kurtin Rama e pati një porosi. Ai tha se Dita e Alfabetit, 22 nëntori, duhet të jetë festë kombëtare në Shqipëri.

Që kjo të jetë ditë feste edhe në Kosovë, Rama iu drejtua Presidentes Vjosa Osmani që edhe ajo t’ia përcjellë këtë porosit Kryeministrit të saj, Albin Kurti./CNA

 





Lajmet e fundit nga