web counter
LEXO PA REKLAMA!

SHKARKO APP

App Store
Google Play

E fundit!

x

Vriten 3 djem të liderit të Hamasit nga një sulm izraelit në Gazë

11 Prill 2024, 12:59, Kosova & Bota CNA

Vriten 3 djem të liderit të Hamasit nga një sulm izraelit në

Tre djem të liderit politik të Hamasit – grupit të shpallur terrorist nga Shtetet e Bashkuara dhe Bashkimi Evropian – janë vrarë nga një sulm ajror izraelit në Rripin e Gazës të mërkurën.

Hamasi tha se në këtë sulm u vranë edhe katër nipër e mbesa të liderit të vet.

Djemtë e Ismail Haniyeh janë në mesin e figurave të profilit më të lartë që janë vrarë deri tani në këtë luftë.

Izraeli tha se djemtë e tij ishin operativë të Hamasit, ndërsa Haniyeh e akuzoi Izraelin se veproi “në frymën e hakmarrjes dhe vrasjes”.

Vrasja e tyre rrezikon të ndikojë në bisedimet e ndërmjetësuara nga ndërkombëtarët për armëpushim në Gazë, të cilat filluan të shënojnë përparim në ditët e fundit, pavarësisht se mes palëve ka ende goxha dallime në çështjet kryesore.

Po ashtu, ata u vranë në një kohë kur Izraeli po përballet me trysni të madhe – posaçërisht nga aleati i vet kryesor, SHBA – për ta ndryshuar mënyrën se si po e kryen luftën në Gazë, në veçanti kur bëhet fjalë për ndihmat humanitare për të cilat kanë aq shumë nevojë palestinezët.

Presidenti i Shteteve të Bashkuara, Joe Biden, tha se beson se kryeministri i Izraelit, Benjamin Netanyahu, po bën “gabim” në mënyrën se si po e trajton Gazën.

“Unë mendoj se kjo që po bën ai, është gabim. Nuk jam dakord me qasjen e tij”, tha Biden në një intervistë për Univision - një rrjet televiziv në gjuhën spanjolle.

Vrasja e tyre rrezikon të ndikojë në bisedimet e ndërmjetësuara nga ndërkombëtarët për armëpushim në Gazë, të cilat filluan të shënojnë përparim në ditët e fundit, pavarësisht se mes palëve ka ende goxha dallime në çështjet kryesore.

Po ashtu, ata u vranë në një kohë kur Izraeli po përballet me trysni të madhe – posaçërisht nga aleati i vet kryesor, SHBA – për ta ndryshuar mënyrën se si po e kryen luftën në Gazë, në veçanti kur bëhet fjalë për ndihmat humanitare për të cilat kanë aq shumë nevojë palestinezët.

Presidenti i Shteteve të Bashkuara, Joe Biden, tha se beson se kryeministri i Izraelit, Benjamin Netanyahu, po bën “gabim” në mënyrën se si po e trajton Gazën.

“Unë mendoj se kjo që po bën ai, është gabim. Nuk jam dakord me qasjen e tij”, tha Biden në një intervistë për Univision - një rrjet televiziv në gjuhën spanjolle.

Izraeli e nisi luftën në Gazë si përgjigje për sulmin e Hamasit në jug të Izraelit, ku u vranë 1.200 njerëz, kryesisht civilë, dhe u rrëmbyen 250 të tjerë, sipas autoriteteve izraelite.

Më shumë se 33.400 palestinezë janë vrarë në luftimet e pareshtura në Gazë, sipas zyrtarëve shëndetësorë në enklavën palestineze, të cilët nuk bëjnë dallim mes civilëve dhe luftëtarëve kur i llogarisin viktimat. Por, sipas tyre, shumica e të vrarëve janë gra dhe fëmijë.

Izraeli thotë se i ka vrarë 12.000 militantë, por nuk ka dhënë dëshmi për këtë./REL 





Lajmet e fundit nga