web counter
LEXO PA REKLAMA!

SHKARKO APP

App Store
Google Play

Posta italiane do të emetojë pullën në nder të Silvio Berluskonit

10 Prill 2024, 16:38, Kosova & Bota CNA
Posta italiane do të emetojë pullën në nder të Silvio
Silvio Berluskoni

Me vendim të qeverisë së Giorgia Melonit, Posta Italiane do të procedojë me emetimin e pullës në përvjetorin e vdekjes së ish-kryeministrit dhe biznesmenit Silvio Berluskoni.

“Pulla që do t'i kushtohet Silvio Berluskonit, e cila do të dalë pikërisht një vit pas vdekjes së tij, është vlerësimi i duhur për një italian të madh, që nderoi dhe i shërbeu demokracisë sovrane të vendit tonë në çdo rol, si biznesmen, njeri i sportit, politikan dhe lider”, theksuan nënkryetarja e Senatit italian Licia Ronzuli dhe deputeti i partisë “Forza Italia”, Emilio Russo.

Emetimi i pullës është caktuar për datën 12 qershor.

Mirëpo, organizata Wikimafia, e cila lufton mafien, krimin e organizuar, shprehu kundërshtimin e saj dhe filloi të mbledhë nënshkrime të qytetarëve.

Organizata i kërkon presidentit italian të Republikës Sergio Mattarella që të bllokojë lëshimin e pullës përkatëse, duke iu referuar dënimit të Berluskonit për mashtrim tatimor, por edhe të gjithë sjelljes së tij./ CNA

 





Lajmet e fundit nga