web counter
LEXO PA REKLAMA!

SHKARKO APP

App Store
Google Play

Nga 25 Prilli tarifë për udhëtarët ditorë në Venecia, rregullat e reja

10 Prill 2024, 14:34, Kosova & Bota CNA
Nga 25 Prilli tarifë për udhëtarët ditorë në
Venecia

Udhëtarët ditorë që dëshirojnë të vizitojnë zonën historike të Venecias së shpejti do të duhet të rezervojnë paraprakisht vizitën e tyre dhe të paguajnë një tarifë hyrjeje prej 5 euro. 

Lëvizja e shpallur fillimisht në shtator 2023, synon të trajtojë mbiturizmin raporton SchengenVisaInfo.

Tarifa e hyrjes do të aplikohet gjatë një programi të përkohshëm pilot, që pritet të fillojë më 25 prill dhe të vazhdojë për 29 ditë të tjera, kryesisht në pushime dhe fundjavë deri në mes të korrikut.

Në ditët e caktuara, të gjithë vizitorët e Venecias do të duhet të regjistrojnë praninë e tyre në qytet duke plotësuar një formular online në faqen e internetit të Tarifave të Aksesit në Venecia. Sipas zyrtarëve, të dhënat e ofruara do t'i ndihmojnë ata të planifikojnë dhe menaxhojnë numrin e vizitorëve.

Megjithatë, disa kategori do të përjashtohen nga kjo tarifë, si ata që qëndrojnë natën në Venecia, qoftë për qëllime pushimi apo pune, ata që vizitojnë familjen apo studiojnë. Përveç kësaj, personat e lindur në Venecia dhe të miturit nën 14 vjeç përjashtohen nga kjo tarifë.

Lidhur me politikën e re, kryebashkiaku i Venecias, Luigi Brugnaro shpjegoi se nuk do të kufizojnë numrin e vizitorëve të lejuar.

Siç raportohet më tej, pasi vizitorët të regjistrohen në faqen e internetit, ata do të marrin një kod "QR". Ky kod, aktiv nga ora 8:30 deri në orën 16:00, duhet të shfaqet në pikat hyrëse si stacioni i trenit, Piazzale Roma, zona e parkimit komunal, disa pika plazhi dhe sheshi i Shën Markut. Për më tepër, kontrolle të rastësishme pritet të ndodhin në të gjithë qytetin.

Për individët që shkelin rregullat, zyrtarët kanë paralajmëruar gjoba që variojnë nga 50 deri në 300 euro, përveç tarifës prej 10 euro./CNA 





Lajmet e fundit nga