web counter
LEXO PA REKLAMA!

SHKARKO APP

App Store
Google Play

E fundit!

x

Tronditet Italia/ Shpërthen hidrocentrali, 4 persona humbin jetën, 5 të djegur rëndë dhe 3 të zhdukur

9 Prill 2024, 17:58, Kosova & Bota CNA
Tronditet Italia/ Shpërthen hidrocentrali, 4 persona humbin jetën, 5
Pamje nga vendi i ngjarjes

Një shpërthim ka ndodhur rreth orës 15:00 të ditës së sotme në një hidrocentral në liqenin artificial të Suviana, në Apeninet e Bolognese.

Nga shpërthimi nënujor rezulton se 4 persona kanë humbur jetën, 5 janë djegur rëndë dhe 3 persona të tjerë janë shpallur të zhdukur.

Kërkimet janë duke u kryer nga policia dhe zjarrfikëset. Aksidenti ka ndodhur nën nivelin e ujit, ka shumë tym dhe zjarrfikësit e kanë shumë të vështirë të hyjnë në zonë.

Kryebashkiaku i Bolonjës, Marco Masinara deklaroi se zjarri ka rënë në katin minus-nëntë.

"Ka patur një shpërthim në katin minus-nëntë, i gjithë termocentrali është nën nivelin e liqenit në rreth 30 metra thellësi.

Më thanë se zjarrfikësit po përpiqen të hyjnë, por ata janë duke pasur vështirësi. Nga sa më thonë, shpërthimi ka nisur brenda termocentralit Enel, duket se ka patur një problem me një turbinë”, shtoi kryebashkiaku.

Ai saktësoi se shpërthimi ka ndodhur “brenda një godine historike, e cila funksiononte prej dekadash” dhe se kjo gosinë ishte gjithmonë e kontrolluar mirë.

“Për të ofruar ndihmë duhet shikueshmëri dhe temperatura të ulëta”, shpjegoi komandanti provincial i zjarrfikësve të Bolonjës Calogero Turturici.

“Kur të arrijmë në nivelin e aksidentit do ta kuptojmë më mirë. Edhe pasi të kontaktojmë me menaxherin e uzinës Enel”, shtoi ai.

“Zjarri mesa duket ka rënë në katin e 9-të, ku ndodhen transformatorët. Për momentin është e pamundur të kuptohen shkaqet e aksidentit, për të cilin do të jenë thelbësore dëshmitë e atyre që ndodheshin në vendngjarje.

Termocentrali aktualisht është i zhytur në ujë, operacionet e shpëtimit nuk janë të mundura, aq më pak inspektimet për të kuptuar se çfarë ka ndodhur.”, tha Turturici./ CNA





Lajmet e fundit nga