web counter
LEXO PA REKLAMA!

SHKARKO APP

App Store
Google Play

Pas SHBA-së, droga “zombie” përhapet edhe në Britani të Madhe

10 Prill 2024, 13:31, Kosova & Bota CNA
Pas SHBA-së, droga “zombie” përhapet edhe në Britani
Foto ilustruese

Studiuesit nga "King's College" në Londër kanë publikuar një raport duke paralajmëruar se xylazine, një qetësues për kafshët, është shfaqur në tregun e paligjshëm të drogës në Britaninë e Madhe.

Kjo lëndë narkotike, e cilësuar shpesh si "drogë zombie" ose "trank", hyri në tregun britanik pasi Shtëpia e Bardhë e cilësoi atë një "kërcënim në rritje për kombin" për shkak të problemeve që shkakton në SHBA.

Në shumicën e rasteve, tregtarët e përziejnë qetësuesin me opiate të forta si heroina ose fentanil në mënyrë që të ulin kostot e tyre dhe të rrisin kërkesën.

Xylazine u pa për herë të parë në Britani gjatë autopsisë së Carl Warburton, i cili u gjet i vdekur në shtëpinë e tij në Solihull në maj 2022. Studiuesit, të udhëhequr nga akademikë nga King's College në Londër, thanë se rreziku shëndetësor "tani është përhapur në të gjithë Mbretërinë e Bashkuar".

Studiuesja Kerojan Copeland theksoi se gjetjet janë shqetësuese pasi, siç pretendon ajo, popullata më e gjerë e njerëzve që përdorin lëndë narkotike, përveç përdoruesve të heroinës, do të ekspozohen ndaj dëmtimit të përzierjes së ksilazinës dhe opiateve.

''Ne gjithashtu e dimë se shumica e njerëzve që blejnë heroinë nuk do të synojnë të blejnë ksilazin dhe ky kombinim rrit rrezikun e mbidozës. Xylazine është përcaktuar si një "kërcënim në zhvillim" për Shtetet e Bashkuara dhe ky kërcënim i shëndetit publik është një shqetësim në rritje për Mbretërinë e Bashkuar," tha Copeland./CNA 





Lajmet e fundit nga