web counter
LEXO PA REKLAMA!

SHKARKO APP

App Store
Google Play

Bashkimi Europian miraton reformën e madhe për emigrimin

10 Prill 2024, 18:49, Kosova & Bota CNA
Bashkimi Europian miraton reformën e madhe për emigrimin
Parlamenti Evropian

Pas shumë vjetësh negociata, Parlamenti Evropian ka miratuar një reformë të madhe për rregullat e emigrimit dhe azilit në Bashkimin Evropian.

Pakti i BE-së për Emigrimin dhe Azilin është diskutuar prej vitit 2015.

Tani, pas miratimit, ai duhet të hyjë në fuqi brenda dy vjetëve.

Pakti është i hartuar për të përshpejtuar procesin e azilit dhe për të mundësuar kthimin më të shpejtë të migrantëve nëpër vendlindjet e tyre.

Ky dokument do t’iu kërkojë vendeve anëtare të BE-së që ta ndajnë përgjegjësinë për azilkërkuesit.

Vitin e kaluar janë regjistruar rreth 380.000 kalime ilegale nëpër kufijtë e bllokut evropian, shifra më e lartë prej vitit 2016.

Pakti për emigrimin është përkrahur prej dy grupeve kryesore politike – grupit të qendrës së djathtë, Partisë Popullore Evropiane dhe Aleancës Progresive të Socialistëve dhe Demokratëve, grup i qendrës së majtë.

Presidentja e Parlamentit Evropian, Roberta Metsola, ka thënë se është arritur “balanci në mes të solidaritetit dhe përgjegjësisë. Kemi bërë histori me një kuadër legjislativ për të menaxhuar emigracionin dhe azilin në BE."

Megjithatë, grupet e krahut të majtë dhe të djathtës ekstreme e kanë kundërshtuar marrëveshjen.

Shumë organizata joqeveritare kanë kërkuar po ashtu, prej ligjvënësve që të mos votojnë për këtë reformë.

Organizata ndërkombëtare për të drejta të njeriut, Amnesty International ka paralajmëruar se kjo reformë mund të rezultojë me rritje të vuajtjeve të azilkërkuesve./ CNA





Lajmet e fundit nga