web counter
LEXO PA REKLAMA!

SHKARKO APP

App Store
Google Play

E fundit!

x

Vjosa Osmani i përgjigjet Vuçiçit/ Numëron një më një provokimet e Serbisë

22 Prill 2024, 17:35, Kosova & Bota CNA
Vjosa Osmani i përgjigjet Vuçiçit/ Numëron një
Presidentja e Kosovës, Vjosa Osmani

Presidentja e Kosovës, Vjosa Osmani i është përgjigjur akuzave të presidentit serb, Aleksandër Vuçiç në mbledhjen e Këshillit të Sigurimit të OKB-së.

Osmani tha se pretendimet e Serbisë për diskriminim janë deklarata të pa baza dhe me motive politike.

Ajo numëroi një më një provokimet e Serbisë, që nga sulmi i Banjskës, armët dhe municionet luftarake të sekuestruara në veri deri te lirimi i sulmuesve të Banjskës.

Presidentja nënvizoi se nuk është Kosova ajo që ka ushtruar presion ndaj serbëve që jetojnë në veri, por është vetë Serbia ajo e cila i ka vënë ata nën presion.

“Më lejoni ta sqaroj, pretendimet e Serbisë për spastrim etnik dhe persekutim të serbëve në Kosovë janë false, të pabazuara dhe me baza politike. Institucionet e Kosovës jo vetëm mbrojnë të drejtat e komunitetit serb të Kosovës, por promovojnë një shoqëri gjithëpërfshirëse ku të gjithë mund të përfshihen. Rreth 500 mijë serbë janë larguar nga Serbia në vitet e fundit sipas Eurostat gjatë regjimit të Vuçiç, kjo duhet të shfaqë se nga kush po largohen serbët në të vërtetë.

Serbët e Kosovës janë nën presion por jo nga qeveria e Kosovës, por nga qeveria e Serbisë”, deklaroi Osmani ndër të tjera./ CNA





Lajmet e fundit nga