E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Videoja e inskenuar bëhet virale/ Shqetësim për nxitjen e urrejtjes fetare në Indi

11 Gusht 2023, 17:06, Kosova & Bota CNA

Videoja e inskenuar bëhet virale/ Shqetësim për nxitjen e

Një video e bërë virale në rrjetin social “Youtube” ka ngritur shqetësim në Indi, pasi nxit urrejtje fetare dhe mizogjini (urrejtje ndaj grave)

Bëhet fjalë për një video, ku një djalë shihet të sulmojë një person të veshur me burkë të zezë, ndërkohë që ky i fundit mban në krahë një fëmijë. Më pas, djali i heq me forcë burkën dhe zbulon se pas saj fshihet një burrë.

Mesazhi që shoqëron klipin paralajmëron se njerëzit duhet "të jenë të vetëdijshëm" për kriminelët që përdorin burka - një mbulesë e përdorur nga gratë muslimane në mbarë botën - për të maskuar veten dhe "rrëmbyer fëmijë".

Videoja është parë më shumë se 29 milionë herë përpara se të fshihej dhe ishte një inskenim nga aktorë amatorë, raportron "BBC".

Në rrjetet sociale janë publikuar edhe video të tjera të ngjashme, të krijuara për argëtim, por që po shpërndahen gjerësisht gjithnjë e më shumë si ngjarje të vërteta në Indi.

Videoja e inskenuar bëhet virale/ Shqetësim për nxitjen e

Shumë nga videot e inskenuara tregojnë njerëz të veshur me burka që rrëmbejnë fëmijët. Kjo mund të ketë pasoja në jetën reale, pasi gjatë viteve të fundit janë sulmuar edhe turma nga persona që besonin se ata ishin rrëmbyes.

Kjo ka bërë që autoritetet në shumë shtete indiane të nxjerrin paralajmërime kundër lajmeve të rreme që nxisin urrejtje fetare dhe urrejtje ndaj grave.

Ky trend i videove po realizohet në shumë gjuhë indiane, duke përfshirë hindu, tamilisht, malajalamisht, guxharatisht, marathi dhe telugu. Ndonjëherë, mediat lokale gjithashtu i kanë ngatërruar videot e inskenuara me lajme.

Ndërkohë, e gjithë kjo ndodh në një kohë kur India ka dëshmuar një tension në rritje midis komuniteteve fetare, veçanërisht midis hinduve dhe myslimanëve, që kur Partia Hindu-nacionaliste Bharatiya Janata (BJP) e kryeministrit Narendra Modi erdhi në pushtet në maj 2014./ CNA