web counter
LEXO PA REKLAMA!

SHKARKO APP

App Store
Google Play

E fundit!

x

Ky është shteti ku nëse mbani një ore Swatch me pamje ylberi, mund të përballeni me 3 vjet burg

11 Gusht 2023, 16:41, Kosova & Bota CNA
Ky është shteti ku nëse mbani një ore Swatch me pamje
Foto ilustruese

Mbajtja e një ore Swatch me pamje ylberi në Malajzi tani mund t'ju çojë në tre vjet burg, pasi qeveria ndaloi ato që i përshkroi si produktet "të lidhura me LGBTQ" duke pretenduar se ato janë "të dëmshme për moralin".

Kushdo që vendos, shet, importon ose shpërndan produkte të tilla duke përfshirë orët, aksesorët ose ambalazhet përkatëse përballet jo vetëm me mundësinë e një dënimi me burg, por edhe me një gjobë deri në 4,375 dollarë, sipas dokumenteve të gazetës zyrtare të parë nga CNN.

Homoseksualiteti është një krim i dënueshëm me gjoba dhe burgim deri në 20 vjet në Malajzi, një vend me shumicë myslimane që ka parë një rritje të qëndrimeve konservatore vitet e fundit.

“Produktet Sëatch janë ndaluar pasi ato janë të dëmshme, ose mundësisht të dëmshme për moralin, interesin publik dhe interesin kombëtar duke promovuar, mbështetur dhe normalizuar lëvizjen LGBTQ e cila nuk pranohet nga publiku i gjerë i Malajzisë”, tha Ministria e Punëve të Brendshme në një deklaratë.

Lëvizja vjen pasi autoritetet malajziane në maj bastisën dyqanet e Sëatch në të gjithë vendin, duke konfiskuar 172 ora që ishin pjesë e Koleksionit Pride të markës 2023, i cili vjen me ngjyrat e ylberit.

Orët u sekuestruan sepse ato “kishin konotacione LGBTQ”, thanë autoritetet në atë kohë./ CNA





Lajmet e fundit nga