web counter
LEXO PA REKLAMA!

SHKARKO APP

App Store
Google Play

E fundit!

x

Numri i të vdekurve nga zjarri në Maui rritet në 55

11 Gusht 2023, 16:27, Kosova & Bota CNA
Numri i të vdekurve nga zjarri në Maui rritet në 55
Pamje e flakëve ndërsa zjarret përfshiu qytetin historik të Lahaina, Maui

Numri i të vdekurve nga zjarri në Maui është rritur në 55.

Ekipet e kërkimit në Maui do të vijojnë punën në kërkim të viktimave të tjera të zjarrit që përfshiu kryeqytetin e dikurshëm të Mbretërisë së Hawait, shkruan Reuters.

Zjarri, i cili shpërtheu të martën, e ktheu qytetin piktoresk turistik në grumbuj mbeturinash që digjen, ndërsa shkatërroi1000 ndërtesa dhe la mijëra të pastrehë në atë që ishte fatkeqësia më e keqe natyrore në historinë e shtetit amerikan.

Zjarri ishte 80 për qind i kontrolluar që nga mbrëmja e së enjtes, thanë zyrtarët.

Përveç kërkimit për të zhdukurit, zyrtarët po hartonin një plan për t'i vendosur të pastrehët e rinj në hotele dhe prona turistike me qira. 

Mijëra turistë dhe vendas u evakuuan nga ana perëndimore e Maui, e cila ka një popullsi prej rreth 166,000 banorësh, me disa prej të cilëve janë strehuar në ishull ose në ishullin fqinj të Oahu. 

Turistët ngritën kampin në aeroportin Kahului, duke pritur për fluturimet për në shtëpi./CNA





Lajmet e fundit nga