web counter
LEXO PA REKLAMA!

SHKARKO APP

App Store
Google Play

E fundit!

x

Video - E paprecedentë/ Plas grushti në parlamentin italian, disa deputetë të lënduar

13 Qershor 2024, 08:52, Kosova & Bota CNA
Video - E paprecedentë/ Plas grushti në parlamentin italian, disa
Foto nga sherri, marrë nga "La Republica"

Një debat i ashpër, i tensionuar, që degjeneroi deri në përplasje fizike, është regjistruar të mërkurën në parlamentin italian, për ligjin për autonominë e zgjeruar.

Gjithçka ka ndodhur pasi deputeti i Lëvizjes së “Pesë Yjeve”, Leonardo Dono, nxori flamurin kombëtar të Italisë dhe tentoi t’ia jepte ministrit Kalderoli. Menjëherë, deputetët e mazhorancës e rrethuan duke e goditur. Sipas mediave të vendit fqinj, Dono u godit nga deputeti i Lega Nord, Igor Lezzi.

Diskutimi mes mazhorancës dhe opozitës ishte ndezur pak minuta përpara veprimit të Donno që ishte mes protagonistëve të debatit të nxehtë dhe që ishte përjashtuar nga punimet parlamentare.

Pas asaj që ndodhi, Presidenti Fontana thirri një mbledhje të menjëhershme të drejtuesve të grupeve, ndërsa videot u morën për të konstatuar faktet në tërësi dhe për të marrë masa të mëtejshme.

Vetë ministri Calderoli për këtë rast është shprehur se nuk do t'u shkojnë pas provokimeve të opozitës, ndërsa bëhet me dije se kanë qenë disa deputetë, të cilët kanë marrë trajtime shëndetësore.

Nisma e Lega Nord për ligjin për autonominë e zgjeruar është kundërshtuar në bllok nga e majta, pasi sipas tyre krijon ndarje të theksuar të Italisë./ CNA





Lajmet e fundit nga