web counter
LEXO PA REKLAMA!

SHKARKO APP

App Store
Google Play

Trump dhe Vuçiç, bisedë telefonike: "Besoj në një partneritet më të fortë me SHBA-në"

11 Nëntor 2024, 08:13, Kosova & Bota CNA
Trump dhe Vuçiç, bisedë telefonike: "Besoj në
Presidenti serb, Aleksandër Vuçiç

Presidenti serb, Aleksandër Vuçiç, deklaroi se ka zhvilluar një bisedë telefonike me Presidentin e ri të SHBA-së, Donald Trump. Ai theksoi se beson në një partneritet më të fortë me SHBA-në nën udhëheqjen e tij dhe shprehu dëshirën që presidenti i ri amerikan të vizitojë Serbinë.

"I jam mirënjohës Presidentit Trump që di shumë gjëra për Serbinë. Nuk do ta besoni, madje ai foli edhe për sukseset sportive të vendit tonë. Shfrytëzova rastin për të shprehur dëshirën dhe shpresën time, për të përmirësuar më tej marrëdhëniet tona në të gjitha sferat e jetës shoqërore dhe se ai do të vizitojë Serbinë sepse Serbia ishte vendi ku mbështetja për zgjedhjen e Presidentit Trump ishte më e larta në të gjithë Evropën”, -tha Vuçiç në një video të postuar në profilin e rrjetit social “Instagram”.

Ai theksoi se Donald Trump e falënderoi për mbështetjen që ka marrë nga qytetarët e Serbisë dhe nga populli serb, raportojnë mediat serbe.

“Jam i sigurt që, me mbështetjen e miqve tanë, dhe me miq nënkuptoj të gjithë rrethin e presidentit Trump, të cilët ishin gjithashtu me të gjatë bisedës sonte, do të kemi mundësi të bëjmë, Amerikën të madhe, dhe ne Serbinë një vend të denjë, që mund të bashkëpunojë shumë mirë me Shtetet e Bashkuara”, -tha Vuçiç.





Lajmet e fundit nga