web counter
LEXO PA REKLAMA!

SHKARKO APP

App Store
Google Play

E fundit!

x

Transplant mushkërie/ Spanja kryen operacionin e parë robotik në botë

19 Prill 2023, 10:24, Kosova & Bota CNA

Transplant mushkërie/ Spanja kryen operacionin e parë robotik në

Një ekip kirurgësh në Spanjë ka kryer me sukses transplantin e parë robotik të mushkërive në botë.

Transplantet e mushkërive njihen si operacione komplekse, pasi gjoksi i pacientit duhet të hapet. Gjatë procedurës, bëhet një prerje rreth 30 cm dhe priten brinjë për të hequr dhe zëvendësuar një mushkëri të sëmurë me një mushkëri të shëndetshme njerëzore nga një dhurues.

Por teknologjia e re e përdorur nga ekipi spanjoll nuk kërkon më thyerjen e brinjëve të pacientit. Në vend të kësaj, kirurgët në spitalin Vall d'Hebron në Barcelonë përdorën prerje më të vogla në anën e kafazit të kraharorit për të akomoduar krahët e robotit dhe kamerat 3D.

Sipas mjekut Albert Jaureguit, procedura e re është më pak e dhimbshme për pacientin pasi plaga mbyllet më lehtë.

"Ne besojmë se është një teknikë që do të përmirësojë cilësinë e jetës së pacientëve, periudhën pas operacionit dhe do të zvogëlojë dhimbjen. Shpresojmë që kjo teknikë përfundimisht të përhapet në më shumë qendra," shtoi ai.

Xavier, 65 vjeç, u bë pacienti i parë në botë që iu nënshtrua një operacioni plotësisht robotik të mushkërive.

 

 





Lajmet e fundit nga