web counter
LEXO PA REKLAMA!

SHKARKO APP

App Store
Google Play

Tensionet me Kosovën/ Vuçiç: Do t’i përmbahemi të drejtës ndërkombëtare

17 Gusht 2022, 17:12, Kosova & Bota CNA
Tensionet me Kosovën/ Vuçiç: Do t’i përmbahemi
Sekretari i Përgjithshëm i NATO-s, Jens Stoltenberg (djathtas) dhe presidenti i Serbisë, Aleksandër Vuçiç (majtas)

Pas takimit, presidenti serb, Aleksandër Vuçiç, foli për tensionet me Kosovën gjatë një konference për shtyp me sekretarin e Përgjithshëm të NATO-s, Jens Stoltenberg.

Vuçiç tha se Serbia do të vazhdojë të respektojë mandatin e KFOR-it në Kosovë në përputhje me ligjin ndërkombëtar, sipas normave të Kombeve të Bashkuara.

Ai theksoi se paqja dhe qëndrueshmëria janë të rëndësisë thelbësore për Serbinë.

"Besoj që gjithmonë do të jemi në gjendje të kuptohemi për dëshirën e vet zotit Stoltenberg dhe tërë NATO-s dhe KFOR-it që të vendosim paqe dhe qëndrueshmëri. Kam thënë se paqja dhe qëndrueshmëria janë të rëndësisë thelbësore për Serbinë, nuk më pëlqen t’i vë faj askujt dhe as të përdorë këto rrëfime fëmijërore", deklaroi president serb.

Kujtojmë se takimi me Stoltenberg kishte si qëllim parandalimin e përshkallëzimit të tensioneve si ato të 31 korrikut në very të Kosovës dhe rrugën drejt normalizimit të marrëdhënieve ndërmjet dy shteteve./ B.A. – CNA.al





Lajmet e fundit nga