LEXO PA REKLAMA!

SHKARKO APP

Kritikoi luftën në Ukrainë/ Gjykata ruse gjobit rokerin e famshëm

16 Gusht 2022, 15:40, Kosova & Bota CNA
Kritikoi luftën në Ukrainë/ Gjykata ruse gjobit rokerin e
Lideri i grupit rock rus "DDT" Yury Shevchuk gjatë një koncerti në Shën Petersburg

Një gjykatë në Rusi dënoi me gjobë këngëtarin e grupit klasik rus të rokut “DDT” me 50.000 rubla (800 dollarë) pasi ky i fundit kritikoi ashpër Presidentin Vladimir Putin dhe pushtimin e Ukrainës gjatë një koncerti. Yuri Shevchuk nuk dha asnjë deklaratë publike për vendimin e 16 gushtit nga gjykata në Ufa, kryeqyteti i rajonit rus të Bashkortostanit, por avokati i tij Aleksandër Peredruk tha se vendimi do të apelohet.

Prokurorët e akuzuan Shevchukun në maj sipas një ligji të miratuar menjëherë pas pushtimit të 24 shkurtit që dënon deklaratat publike që mendohet se diskreditojnë forcat e armatosura ruse. Gjatë një koncerti të grupit rock “DDT” në Ufa, Shevchuk kritikoi ashpër vendimin e Presidentit Vladimir Putin për të pushtuar Ukrainën.

“Mëmëdheu nuk janë të pasmet e presidentit që njeriu duhet t’i puthë gjatë gjithë kohës”, tha Shevchuk në koncert. “Mëmëdheu është një lypës, një plakë që shet patate në stacionin hekurudhor. Ky është Atdheu”.

Shevchuk u duartrokit gjerësisht nga publiku. Video e deklaratës së tij u bë virale në kanalet e mediave sociale ruse. Ligji që Putini nënshkroi në mars nënkupton burgime të gjata për shpërndarjen e "informacionit qëllimisht të rremë" në lidhje me operacionet ushtarake ruse, me Kremlinin që kërkon të kontrollojë narrativën për luftën në Ukrainë.

Ligji parashikon dënime deri në 10 vjet burg për individët e dënuar për një vepër penale, ndërsa dënimi për shpërndarjen e "informacionit të qëllimshëm të rremë" për ushtrinë ruse që çon në "pasoja të rënda" është 15 vjet burg. Ligji gjithashtu i bën të paligjshme "thirrjet kundër përdorimit të trupave ruse për të mbrojtur interesat e Rusisë" ose "për diskreditimin e një përdorimi të tillë" me një dënim të mundshëm deri në tri vjet burg.

E njëjta dispozitë vlen edhe për thirrjet për sanksione ndaj Rusisë. “DDT” u themelua nga Shevchuk në fillim të viteve 1980 në Ufa dhe ai ka shkruar shumicën e këngëve gjatë këtyre viteve./ REL

Lajmet e fundit nga