web counter
LEXO PA REKLAMA!

SHKARKO APP

App Store
Google Play

Tarifat 30% nga SHBA/ Reagon Von der Leyen: Mbetemi të gatshëm të vazhdojmë të punojmë drejt një marrëveshje

12 Korrik 2025, 17:24, Kosova & Bota CNA

Tarifat 30% nga SHBA/ Reagon Von der Leyen: Mbetemi të gatshëm të

Presidentja e Komisionit Evropian, Ursula von der Leyen, ka reaguar ndaj vendimit të Presidentit amerikan Donald Trump për vendosjen e tarifave 30% ndaj produkteve evropiane të importuara në SHBA, duke paralajmëruar se ky veprim do të prishë seriozisht zinxhirët transatlantikë të furnizimit dhe do të dëmtojë ekonominë në të dy anët e Atlantikut.

Në një deklaratë zyrtare, Von der Leyen theksoi se Bashkimi Evropian është i gatshëm të marrë masa të nevojshme për të mbrojtur interesat e tij në rast se tarifat hyjnë në fuqi nga 1 gushti.

Më tej, Von der Leyen deklaroi se BE ka qenë gjithmonë në favor të dialogut dhe do të vijohet të punohet për t’u arritur një marrëveshje deri më 1 gusht.

 

“Vendosja e tarifave prej 30% mbi eksportet e BE-së do të prishte zinxhirët kryesorë të furnizimit transatlantik, në dëm të bizneseve, konsumatorëve në të dy anët e Atlantikut. Pak ekonomi në botë janë aq të hapura dhe të drejta në praktikat tregtare sa Bashkimi Evropian. Ne mbetemi të gatshëm të vazhdojmë të punojmë drejt një marrëveshjeje deri më 1 gusht. Në të njëjtën kohë, do të marrim të gjitha masat e nevojshme për të mbrojtur interesat e BE-së, duke përfshirë marrjen e kundërmasave proporcionale nëse është e nevojshme”, tha Von der Leyen./ CNA





Lajmet e fundit nga