web counter
LEXO PA REKLAMA!

SHKARKO APP

App Store
Google Play

Talibanët ndalojnë partitë politike pasi i shpallin joislamike

17 Gusht 2023, 18:26, Kosova & Bota CNA

Talibanët ndalojnë partitë politike pasi i shpallin joislamike

Sundimtarët e linjës së ashpër të Afganistanit, talibanët, kanë ndaluar të gjitha partitë politike, duke thënë se ato “nuk kanë asnjë justifikim” sipas Ligjit islamik të Sheriatit.

“Partitë politike janë të ndaluara krejtësisht. Ne nuk do të lejojmë asnjë parti politike që të operojë në shtet”, tha Abdul Hakim Sharaee, ministri de-facto taliban i Drejtësisë.

Ai këtë njoftim e bëri më 16 gusht, një ditë pasi talibanët shënuan dyvjetorin e kthimit në pushtet të tyre dhe tërheqjes së trupave ndërkombëtare nga shteti.

Talebanët morën pushtetin më 15 gusht 2021, ndërsa forcat e SHBA-së dhe NATO-s u tërhoqën nga vendi pas dy dekadash lufte. Për të shënuar përvjetorin, e marta u shpall festë publike. Gratë, kryesisht të ndaluara nga jeta publike, nuk morën pjesë në festime.

Në qytetin jugor të Kandaharit, vendlindja shpirtërore e talebanëve, personeli ushtarak pozoi me automjete të blinduara. Të rinjtë kaluan nëpër qytet me biçikleta, motoçikleta dhe makina, duke valëvitur flamuj dhe duke tundur armët. Fëmijët e vegjël shtrënguan flamuj të vegjël të bardhë të talebanëve që mbanin një foto të ministrit të Mbrojtjes Maulvi Mohammad Yaqoob në këndin e poshtëm djathtas./ CNA





Lajmet e fundit nga