web counter
LEXO PA REKLAMA!

SHKARKO APP

App Store
Google Play

Ndërron jetë ish-komandanti i lartë i Rusisë/ Drejtoi luftën në Ukrainë

17 Gusht 2023, 11:08, Kosova & Bota CNA
Ndërron jetë ish-komandanti i lartë i Rusisë/ Drejtoi
Gjenerali rus, Genadi Zhidko dhe presidenti rus, Vladimir Putin

Një gjeneral i lartë, i cili qëndroi për një kohë të shkurtër në krye të forcave të armatosura ruse në Ukrainë vitin e kaluar, ka ndërruar jetë ditën e mërkurë.

Lajmi u raportua nga mediat ruse, ndërsa më vonë u konfirmua edhe nga autoritetet.

Mikhail Degtyarev, guvernatori i rajonit Khabarovsk të Lindjes së Largët të Rusisë, deklaroi se Gjenerali Genadi Zhidko humbi jetën në Moskë pas një beteje të gjatë me një sëmundje.

“Humbja e jetës së Zhidkos në moshën 57-vjeçare nuk duket e dyshimtë, pasi ai vuante nga tumori”, tha gazetari Dmitry Kolezev, duke cituar një burim anonim.

Shtetet e Bashkuara dhe Bashkimi Evropian vendosën sanksione ndaj Zhidkos në fillim të këtij viti si një anëtar kyç i Forcave të Armatosura Ruse.

Ndërron jetë ish-komandanti i lartë i Rusisë/ Drejtoi

Kjo, pasi Zhidko mbikëqyri zbatimin e një urdhri për të vendosur të miturit rusë në frontin e luftës në Ukrainë. 

Gjenerali u vendos në krye të forcave ruse në Ukrainë në fund të majit 2022. Ai u zëvendësua në heshtje në korrik të 2022 "për dështime gjatë operacioneve ushtarake", sipas shërbimit rus të "BBC". 

Muaj më vonë, forcat ruse u dëbuan nga rajoni i Kharkiv në verilindje të Ukrainës dhe rajoni Kherson në jug të vendit. 

Para se të drejtonte luftën në Ukrainë, Zhidko mbikëqyri trupat ruse në Siri në vitet 2016-2018 dhe besnikërinë ideologjike si zëvendësministër i mbrojtjes 2021-2022. Ai mori titullin Hero i Rusisë - titulli më i lartë i vendit - nga Presidenti Vladimir Putin në vitin 2017./ CNA





Lajmet e fundit nga