E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari shprehu humbjen e ...

Svelça tregon skenarin e Vuçiç për Kosovën: Luftë hibride, tenton të nxisë trazira

15 Korrik 2023, 14:05, Kosova & Bota CNA

Svelça tregon skenarin e Vuçiç për Kosovën:

Ministri i Punëve të Brendshme të Kosovës, Xhelal Svelça thotë se presidenti i Serbisë, Aleksandër Vuçiç po e humb betejën në terren me kryeministrin Albin Kurti, prandaj edhe po i kthehet luftës hibride. Sipas Sveçlës, Vuçiç po e bën këtë përmes mekanizmave që ka në kontroll për të nxitur trazira në Kosovë.

“I gjendur në një situatë të tillë, ku pozicioni i tij karshi Kosovës po dobësohet dita ditës, me sa duket Vuçiç ka vendosur që t’i kthehet luftës hibride, që përmes dezinformatave, shpifjeve, krijimit të frikës e mosdurimit, të provojë të nxisë pakënaqësi e trazira edhe në Kosovë. “

Kjo deklaratë e ministrit vjen në një kohë kur në Serbi ka protesta kundër qeverisjes së Vuçiç, që do të pasohen edhe me protesta në Prishtinë.

"Ai po e humb ndikimin në veriun e Kosovës sepse i janë arrestuar kriminelët kryesorë, i janë mbyllur rrugët e kontrabandës dhe i janë shkatërruar laboratorët e drogës e fermat e kriptovalutave", shprehet ai.

Ai sjell në vëmendje dhe audiopërgjimin e bërë publik të shefes së grupit parlamentar të Vetëvendosjes, Mimoza Kusari-Lila me deputetin e Listës Serbe, Slavko Simiç për të cilin thotë se ishte Vuçiç që i dorëzoi në Kosovë që t'i publikonin.

“Biseda të zhvilluara në Kuvend, të cilat Lista Serbe i kishte incizuar dhe incizimet ia kishte dorëzuar Vuçiqit, nga dora e Vuçiqit gjetën rrugën e tyre për t’u publikuar në një media në Kosovë.” , shkruan Xhelal Svelça .

Dhe për dhunën që ndodhi në Parlamentin e Kosovës Svelça thotë se ka ardhur si rezultat i keqinterpretimeve.

“Dhe tani si rezultat i keqinterpretimeve të qëllimta e patëm një skenë dhune të provokuar në parlamentin e Kosovës, dhe si të mos mjaftonin ato skena që portretizuan Kosovën si vend jostabil në të gjitha mediat ndërkombëtare, sot ka edhe një protestë të thirrur para qeverisë. Mbetet të shihet sot nëse qytetarët e Republikës së Kosovës do të ruajnë dinjitetin personal dhe pozicionin e shtetit, apo do të bien në këtë grackë të luftës hibride të Serbisë.”, shkruan Ministri i Punëve të Brendshme të Kosovës në rrjetin social Facebook.