LEXO PA REKLAMA!

SHKARKO APP

I dhënë pas grave/ Si ra në grackën e autoriteteve të huaja pas 10 vitesh në kërkim "bullafiqi" shqiptar

30 Gusht 2023, 12:20, Kosova & Bota CNA

I dhënë pas grave/ Si ra në grackën e autoriteteve të

Besnik Nikolli, i njohur si Niko ose ndryshe El Gordo, që nga spanjishtja përkthehet “bullafiqi", u arrestua 4 ditë më parë pasi ishte në kërkim nga autoritetet franceze, dhe jo vetëm, prej vitesh, për veprën penale të trafikut të drogës.

El Gordo kërkohej në 180 vende të botës prej 10 vitesh.

E përditshmja kolumbiane "El Tiempo" ka hedhur dritë mbi mënyrën se si autoretitet e huaja, Europol dhe Interpol, arritën të kapnin narkotrafikantin shqiptar.

“Bullafiqit” shqiptar, autoritetet e huaja arritën t’i zbulonin pikën e tij të dobët ndaj të cilave ishte shumë i dhënë, femrat.

Hetuesit përdorën si karrem në internet një grua. Një agjent sekret u hoq si grua "online" dhe fitoi besimin e “Nikos”.

Nikolli i tha vajzës (agjentit sekret) se jetonte në Bogota dhe shkonte në bregdet vetëm për një shëtitje, pasi krimineli shqiptar nuk dilte shpesh nga rezidenca ku jetonte.

Më pas “El Gordo” nisi t’i dërgonte foto të udhëtimeve dhe pasurive agjentit të infiltruar që hiqej si vajzë, duke bërë kështu gabimin fatal, pasi në një nga ato imazhe dërgoi dhe vendndodhjen gjeografike.

Në këtë moment nisi dhe operacioni për arrestimin e tij.

"El Tiempo" publikon dhe foto ku pozon para makinave luksoze, në ferma në Evropë dhe madje edhe në një lokal në Santa Marta, ndërsa fotografia e fundit ka qenë ajo që ka bërë të mundur lokalizimin e vendndodhjes.

“'Ne dinim vetëm se ai ishte në Kolumbi, sepse kishte hyrë përmes Bogotës, por nuk figuronte në të dhëna. Franca këmbënguli që ‘Niko’ ishte në Kolumbi', deklaruan hetuesit", shkruan gazeta “EL Tiempo./CNA

 

 

 

 

 

 

Lajmet e fundit nga