web counter
LEXO PA REKLAMA!

SHKARKO APP

App Store
Google Play

“Është një vendim politik”/ Marine le Pen reagon pas ndalimit nga kandidimi

1 Prill 2025, 15:33, Kosova & Bota CNA

“Është një vendim politik”/ Marine le Pen reagon pas

Udhëheqësja e ekstremit të djathtë francez, Marine le Pen, në deklaratën e saj të parë pas gjyqit nga i cili ajo u shpall fajtore, ka thënë se ndalimi i saj nga kandidimi për poste publike për pesë vjet është një "vendim politik" që synon ta pengojë atë të kandidojë në zgjedhjet e ardhshme presidenciale.

“Nëse ky nuk është një vendim politik, nuk e di se çfarë është. Vendimi shënoi një 'ditë fatale' për demokracinë tonë. Ka miliona francezë që më besojnë. Për 30 vjet kam luftuar për ju dhe për 30 vjet kam luftuar kundër padrejtësisë, kështu që do të vazhdoj të luftoj",-tha Le Pen.

Duke folur për kanalin televiziv francez "TF1" në reagimin e saj të parë ndaj vendimit, Le Pen tha se miliona francezë janë të indinjuar nga ky vendim.

56-vjeçarja është një pretendente tri herë e postit presidencial dhe ka thënë më parë se zgjedhjet e ardhshme në 2027 do të ishin kandidimi i saj i fundit për postin e lartë.

Ndalimi, i cili hyn në fuqi menjëherë, u jep fund atyre shpresave nëse ajo nuk apelon me sukses përpara fushatës.

Duke e quajtur vendimin si shkelje të shtetit të së drejtës, ajo tha se do ta apelonte atë dhe kërkoi që procedurat gjyqësore të zhvillohen përpara fushatës së 2027-ës. Ajo u dënua gjithashtu me katër vjet burg, me dy vjet të pezulluara dhe dy të cilat do të kryhen me një etiketë elektronike. Ajo nuk pritet të vuajë asnjë ditë në burg.

Le Pen, e cila gjithashtu mori një gjobë prej 100,000 €, do të apelojë kundër dënimit të saj, me sa tha avokati i saj, Rodolphe Bosselut./CNA

 





Lajmet e fundit nga