web counter
LEXO PA REKLAMA!

SHKARKO APP

App Store
Google Play

Masa të reja/ BE përgatit paketën e 17-të të sanksioneve ndaj Rusisë

31 Mars 2025, 16:10, Kosova & Bota CNA

Masa të reja/ BE përgatit paketën e 17-të të

Bashkimi Europian po përgatit paketën e tij të 17-të të sanksioneve kundër Rusisë mes kërkesave të Moskës për heqjen e disa kufizimeve perëndimore si pjesë e kushteve të armëpushimit.

Lajmi raportohet nga disa media të huaja, pas bisedave me 4 diplomatë të BE-së që kërkuan të mbetën të paidentifikuar.

Pas dy ditë bisedimesh në Arabinë Saudite, Uashingtoni ra dakord më 25 mars të ndihmojë në lehtësimin e eksporteve ruse të ushqimit dhe plehrave duke ulur kostot e sigurimit detar dhe duke rritur aksesin në portet globale dhe sistemet e pagesave. Presidenti i SHBA-së, Donald Trump tha më vonë se Uashingtoni po shikonte mundësinë e heqjes së disa sanksioneve ndaj Rusisë për të siguruar armëpushimin e Detit të Zi.

Ndërkohë, puna për një raund të ri sanksionesh të BE-së kundër Rusisë ka filluar dhe është në një fazë shumë të hershme, tha një nga burimet e huaja. Komisioni Europian pritet të paraqesë propozimet e tij në fillim të verës, tha një tjetër diplomat për median.

Duke komentuar afatin kohor, një nga diplomatët i tha është shumë spekulative në këtë pikë, duke shtuar se blloku do të vëzhgojë se si do të zhvillohen bisedimet e armëpushimit midis SHBA-së, Ukrainës dhe Rusisë./CNA





Lajmet e fundit nga