web counter
LEXO PA REKLAMA!

SHKARKO APP

App Store
Google Play

Netanyahu sfidon sërish urdhër-arrestin e Gjykatës Ndërkombëtare

30 Mars 2025, 22:44, Kosova & Bota CNA

Netanyahu sfidon sërish urdhër-arrestin e Gjykatës

Kryeministri izraelit Benjamin Netanyahu do të udhëtojë në Hungari këtë javë, duke sfiduar urdhër-arrestin e lëshuar nga Gjykata Penale Ndërkombëtare, me akuzat për krime lufte të kryera gjatë operacioneve ushtarake të zhvilluara në Gaza.

Gjatë vizitës që do të fillojë të mërkurën, Netanyahu do të takojë homologun e tij hungarez Viktor Orban, i cili e ftoi atë në nëntor, menjëherë pas lëshimit të urdhrit të arrestit. Orban tha atëherë se urdhri i arrestimit "nuk do të respektohet".

Të gjithë shtetet anëtare të Bashkimit Evropian, përfshirë edhe Hungarinë, janë anëtare të Gjykatës Ndërkombëtare, që do të thotë se janë të detyruar të zbatojnë urdhrat e saj. Orban, një nacionalist i djathtë, shpesh ka qenë në kundërshtim me BE-në për standartet demokratike dhe të drejtat e njeriut në Hungari.

Ende nuk ka asnjë koment nga Hungaria në lidhje me vizitën e Netanyahut.

Do të jetë udhëtimi i dytë i Netanyahut jashtë vendit pas njohjes me urdhër arrestin për krime lufte. Vizita e parë ishte në shkurt, në Uashington për t'u takuar me presidentin amerikan Donald Trump.

Izraeli ka denoncuar urdhrat e arrestit kundër Netanyahut dhe ish-ministrit të Mbrojtjes Yoav Gallant, duke i cilësuar si akuza të rreme dhe absurde. Gjithashtu, Gjykata Penale Ndërkombëtare ka lëshuar një urdhër-arresti edhe për një lider të Hamasit, Ibrahim Al-Masri./ CNA





Lajmet e fundit nga