web counter
LEXO PA REKLAMA!

SHKARKO APP

App Store
Google Play

Akuzohet se shpërdoroi fondet e PE/ Vendoset fati i Le Pen

30 Mars 2025, 15:53, Kosova & Bota CNA

Akuzohet se shpërdoroi fondet e PE/ Vendoset fati i Le Pen

Gjykata do të vendosë nesër të ardhmen e lideres së ekstremit të djathtë Marine Le Pen. Ditën e nesërme do të jepet vendimi për akuzat se LE Pen dhe zyrtarët e partisë së saj kanë përvetësuar para nga Parlamenti Europian.

Nëse dënohet, Le Pen mund të ndalohet të kandidojë në zgjedhjet presidenciale të vitit 2027, për të pasuar Emmanuel Macron.

Prokurorët kanë kërkuar që Marine Le Pen të dënohet me burg, të paguajë një gjobë prej 300 mijë eurosh dhe gjithashtu t’i ndalohet mbajtja e posteve publike për 5 vite.

Liderja e ekstremit të djathtë ka akuzuar prokurorët se po kërkojnë “vdekjen e saj politike”. Le Pen ka thënë se prokurorët këërkojnë të privojnë votuesti francezë nga mundësia pëër të votuar kë kandidat të duan.

E pyetur javën e kaluar nëse ajo ishte e shqetësuar për të ardhmen e saj politike, Le Pen tha:

"Unë nuk po mendoj për këtë. Frika nuk e largon rrezikun, kështu që nuk shoh ndonjë interes për të hamendësuar paraprakisht. E konsideroj veten plotësisht të pafajshëm për atë që jam akuzuar, kështu që nëse deklarohet fajësia ime, atëherë do të përdor ligjin për të mbrojtur përsëri pafajësinë time"./ CNA

 





Lajmet e fundit nga