web counter
LEXO PA REKLAMA!

SHKARKO APP

App Store
Google Play

Kancelari Merz: Ka ardhur koha të ndëshkojmë Orban

31 Mars 2025, 17:55, Kosova & Bota CNA

Kancelari Merz: Ka ardhur koha të ndëshkojmë Orban

Qeveria e ardhshme gjermane ka deklaruar se do t’i bëjë presion BE që të rrisë tonet për vendet që sillen keq, refruar Hungarisë së Viktor Orban.

Konservatorët e kancelarit të ardhshëm, Merz dhe aleati i tyre i mundshëm, Partia Social Demokrate kanë rënë në dakordësi që blloku të ndalojë fondet dhe të pezullojë të drejtën e votës për vendet që shkelin parimet kryesore si sundimi i ligjit, referuar një projektmarrëveshje.

Ndonëse nuk është përmendur, projektmarrëveshja i referohet qartë Hungarisë, e cila akuzohet prej  vitesh për shkatërrimin e normave demokratike si kufizimi i lirisë së shtypit apo kufizimi i pavarësisë së gjyqësorit.

Draftmarrëveshja mes CDU dhe SPD-së për të bërë presion ndaj BE-së, është pjesë e marrëveshjeve mes tyre që mbuylojnë çështje të ndryshme si politikat e migracionit apo shpenzimet e mirëqenies.

“Instrumentet mbrojtëse ekzistuese, nga procedurat e shkeljes dhe mbajtja e fondeve të BE-së deri tek pezullimi i të drejtave të anëtarësimit, si të drejtat e votës në Këshillin e BE-së, duhet të zbatohen shumë më konsistente se më parë”, shkruajnë negociatorët nga blloku konservator i Merz-it dhe SPD në një projekt-marrëveshje koalicioni mbi politikën e BE-së.

Në vitin 2022, Komisioni Evropian vendosi të bllokojë rreth 22 miliardë euro para të gatshme të BE-së të destinuara për Hungarinë mes shqetësimeve për të drejtat e njeriut dhe pavarësinë e gjyqësorit.

Ai përfundimisht shkriu më shumë se 10 miliardë euro vitin e kaluar, duke shkaktuar një reagim të ashpër.

Një tjetër pikë ku BE dhe Hungaria kanë mosmarrëveshje është miqësia e Orbanit me Putin. Budapesti ka bllokuar vazhdimisht sansionet ndaj oligarkëve dhe shefave rusë./ CNA





Lajmet e fundit nga