web counter
LEXO PA REKLAMA!

SHKARKO APP

App Store
Google Play

Shpërthim i fuqishëm në një xhami në Kabul, raportohet për viktima

17 Gusht 2022, 21:44, Kosova & Bota CNA
Shpërthim i fuqishëm në një xhami në Kabul, raportohet
Pamje pas sulmit në një xhami në Afganistan. Fotografi ilustruese nga arkivi.

Një shpërthim i fuqishëm ka ndodhur në një xhami në kryeqytetin afgan, Kabul, përgjatë lutjeve në mbrëmje më 17 gusht, kanë thënë dëshmitarët dhe zyrtarët.

Policia afgane ka thënë se ka viktima, por ende nuk dihet numri i saktë.

Një zyrtar i inteligjencës së talibanëve i ka thënë agjencisë së lajmeve "Reuters" se 35 njerëz mund të jenë plagosur apo janë të vdekur, dhe se shifra mund të rritet edhe më shumë.

Mediumi "Al Jazeera" ka cituar një zyrtar të paidentifikuar, i cili ka thënë se 20 persona kanë vdekur.

Dëshmitarët i kanë thënë "Reuters"-it se shpërthimi i fuqishëm është dëgjuar në lagjen në veri të Kabulit dhe për pasojë janë thyer xhamat e dritareve në ndërtesat në afërsi.

Ambulancat janë parë shpejt në vendin e ngjarjes.

Një zyrtar i inteligjencës së talibanëve, duke folur në kushte anonime, ka thënë për "Reuters"-in se shpërthimi ka ndodhur në një xhami në rajonin Khair Khana në Kabul.

Sipas burimit, imami i xhamisë është në mesin e të vdekurve.

Ekipet e inteligjencës janë duke hetuar rastin./ REL





Lajmet e fundit nga