web counter
LEXO PA REKLAMA!

SHKARKO APP

App Store
Google Play

Shkon në Kuvend propozimi për ndryshimin e Kushtetutës në Maqedonia e Veriut

18 Gusht 2023, 17:31, Kosova & Bota CNA
Shkon në Kuvend propozimi për ndryshimin e Kushtetutës në
Kuvendi i Republikës së Maqedonisë së Veriut, seancë për ndryshime kushtetuese

Në Kuvendin e Maqedonisë së Veriut sot filloi shqyrtimi i propozimit të qeverisë së vendit për fillimin e procedurave për ndryshimin e Kushtetutës së Republikës së Maqedonisë së Veriut.

Miratimi i propozimit të kësaj qeverie për nisjen e procedurave për ndryshimin e Kushtetutës kërkon një shumicë prej 2/3 në Parlament, të cilën qeveria e Dimitar Kovaçevskit nuk e ka.

Gati tre orë ka zgjatur debati për iniciativën për ndryshimin e Kushtetutës në Kuvend. Kryetari i Kuvendit, Talat Xhaferi, e ndërpreu seancën dhe votimi do të ricaktohet. Ai tha se votimi do të bëhet kur të ketë kushte, pra kur të sigurohet një shumicë prej dy të tretash, ose kur 80 nga gjithsej 120 deputetë të votojnë “pro”. Në rast se gjatë votimit nuk arrihet shumica e kërkuar, procesi për ndryshime kushtetuese përfundon.

Kryeministri Dimitar Kovaçevski, duke folur në fillim të seancës së sotme të Kuvendit, u bëri thirrje të gjithë deputetëve të vendit që të mbështesin propozimin për ndryshimin e Kushtetutës, për të çuar përpara rrugën evropiane të vendit.

 “Partia dhe koalicioni ynë kanë unitet absolut për votimin e amendamenteve kushtetuese. Deputeti Ilija Nikolovski nga “Partia e Pensionistëve” ka pasur problem me shtypjen e butonit përkatës, butonit të sistemit të votimit, por për të mos kërkuar rivotim individual, është lejuar që rendi i ditës të votohet me 70 vota. Deputeti Dime Velkovski sot ka deklaruar se do të mungojë, që nuk do të thotë se nuk do të jetë i pranishëm në seancat e ardhshme. Nuk kemi informacione se ndonjë deputet nga radhët tona dëshiron të japë dorëheqje”, tha Dimitar Kovaçevski, kryetar i Qeverisë./ CNA





Lajmet e fundit nga