web counter
LEXO PA REKLAMA!

SHKARKO APP

App Store
Google Play

Zjarret në Hawaii/ Shefi i urgjencës Maui jep dorëheqjen pas kritikave

18 Gusht 2023, 07:51, Kosova & Bota CNA

Zjarret në Hawaii/ Shefi i urgjencës Maui jep dorëheqjen pas

Shefi i menaxhimit të urgjencës në Maui ka dhënë dorëheqjen një ditë pasi mbrojti dështimin e agjencisë së tij për të aktivizuar sistemin e saj të alarmit pas shpërthimit të zjarreve gjatë javës së shkuar.

Herman Andaya, i cili nuk kishte përvojë paraprake në menaxhimin e urgjencës, u justifikua se dorëheqja ishte për shkaqe shëndetësore.

Banorët e ishullit Hawaii i kanë thënë BBC-së se një përgjigje më e fortë emergjente mund të kishte shpëtuar më shumë jetë.

Të paktën 111 persona janë deklaruar të vdekur. Qindra janë ende të zhdukur.

Sistemi i sofistikuar i Maui-t, i cili përfshin 80 sirena rreth ishullit, testohet në ditën e parë të çdo muaji, toni i tij prej 60 sekondash është një pjesë normale e jetës në Lahaina. Por ditën e zjarrit, ata nuk u dëgjuan.

Të mërkurën, shefi i Agjencisë së Menaxhimit të Emergjencave Maui, z. Andaya këmbënguli se nuk i vinte keq për atë vendim.

Por në Lahaina të enjten, asnjë nga banorët që folën për BBC nuk e pranuan këtë shpjegim, duke thënë se sirena do të kishte dhënë një paralajmërim vendimtar për rrezikun që po afrohej.

Në ditën e zjarrit, shumë banorë të Lahainas ishin në shtëpi, pa energji elektrike, për shkak të erërave të forta të shkaktuara nga “Uragani Dora” aty pranë./ CNA





Lajmet e fundit nga