web counter
LEXO PA REKLAMA!

SHKARKO APP

App Store
Google Play

E fundit!

x

Të qara në sallën e gjyqit/ Infermierja britanike shpallet fajtore për vrasjen e7 foshnjave

18 Gusht 2023, 16:07, Kosova & Bota CNA

Të qara në sallën e gjyqit/ Infermierja britanike shpallet

Një infermiere britanike është shpallur fajtore për vrasjen e shtatë fëmijëve të porsalindur dhe për tentim-vrasjen e gjashtë të tjerëve në një spital të neonatologjisë ku ajo punonte.

Lucy Letby, 33-vjeçare, u përball me gjykim që nga tetori i vitit të kaluar. Ajo u akuzua se kishte injektuar viktimat – foshnje të cilat ose ishin të sëmura ose kishin lindur para kohe – me ajër, i ka mbiushqyer me qumësht dhe i ka helmuar me insulinë.

Ajo u shpall fajtore me një sërë vendimesh të pjesshme, të dhëna me disa ditë diferencë, me gjyqtarin që vendosi kufizime raportimi deri në fund të gjykimit.

Letby u shpall gjithashtu fajtor për shtatë akuza për tentativë vrasje.

Letby qau gjatë disa vendimeve, ndërsa familjet e viktimave të saj qanin dhe ngushëllonin njëri-tjetrin ndërsa juria lexonte gjetjet e saj. Një anëtare e jurisë gjithashtu qau dhe e mbajti kokën në duar.

Gjatë gjykimit janë dëgjuar edhe dëshmitë e kolegëve të infermieres, të cilët thanë se kishin vërejtur se Letby kishte qenë në punë në çdo rast kur foshnjat e porsalindura kishin vdekur.

Letby ishte arrestuar dhe ishte liruar dy herë. Ajo u arrestua për herë të tretë më 2020 dhe që atëherë gjendet në burg.

Gjatë kontrolleve në shtëpinë e saj, policia kishte gjetur dokumente të spitalit dhe shënime të cilat i kishte shkruar vetë Letby. Në një prej shkrimeve thuhej: “Jam e ligë, unë e kam bërë këtë”.

Letby më vonë pretendoi se ky shënim ishte bërë pasi ishte transferuar të kryente punë administrative pas vdekjes së dy trinjakëve.

Infermierja ka mohuar akuzat dhe ka sugjeruar se një “bandë” prej katër mjekësh po tentonin që t’ia hidhnin fajin asaj për shkak të dështimeve të spitalit sa i përket përkujdesjes së foshnjave.

Britania është përballur në të kaluarën me raste kur mjekët kanë vrarë pacientët e tyre. Rasti më i njohur është i mjekut Harold Shipman, i cili në vitin 2000 u dënua për vrasjen e 15 pacientëve.

Më vonë u gjet se Shipman kishte vrarë 250 pacientë duke i injektuar me morfinë. Ai vrau veten në burg më 2004./ CNA





Lajmet e fundit nga