LEXO PA REKLAMA!

SHKARKO APP

Serbia mbledh Këshillin e Sigurisë Kombëtare/ Forcat ushtarake, në gatishmëri

27 Maj 2023, 10:58, Kosova & Bota CNA

Serbia mbledh Këshillin e Sigurisë Kombëtare/ Forcat ushtarake,

Këshilli për Sigurinë Kombëtare në Serbi është mbledhur ditën e sotme në sajë të zhvillimeve të fundit në Veri të Kosovës.

Në këtë takim u vendos që forcat e armatosura të Serbisë të qëndrojnë në gatishmërisë të plotë deri në një njoftim të dytë.

“Për shkak të përdorimit brutal të forcës nga Albin Kurti dhe forcat e tij kundër popullit serb në Kosovë dhe Metohi, forcat e armatosura të Republikës së Serbisë për momentin mbeten në nivelin më të lartë të gatishmërisë luftarake”, njoftoi Presidenca e Serbisë.

Në këtë takim nuk kanë munguar kritikat për forcat paqeruajtëse në Kosovë, KFOR/NATO, duke cilësuar se nuk  kanë kryer detyrën në përputhje me Rezolutën 1244 të Këshillit të Sigurimit të Kombeve të Bashkuara dhe Marrëveshjen Ushtarako-Teknike nga Kumanova.

“Shefi i Shtabit të Përgjithshëm të Forcave të Armatosura të Serbisë, gjenerali Milan Mojsiloviç, është i autorizuar të mbajë kontakte të drejtpërdrejta me komandantin e KFOR-it, në përpjekje për të siguruar që KFOR/NATO përmbush funksionin dhe mandatin e tij, në përputhje me aktet përkatëse të OKB-së. dhe mbron serbët në Kosovë dhe Metohi, Republika e Serbisë do të jetë e fortë dhe e palëkundur në mbrojtjen e popullit të saj”, thuhet në deklaratë.

Në takim ishin të pranishëm presidenti i Serbisë Aleksandar Vuçiq, kryeministrja Ana Brnabiq, ministri i Jashtëm dhe sekretari i Këshillit të Sigurisë Kombëtare Ivica Daçiq, Ministri i Mbrojtjes Millosh Vuçeviq, Ministri i Brendshëm Bratislav Gashiq, drejtori i BIA-s Aleksandar Vulin. , shefi i Shtabit të Përgjithshëm të Ushtrisë Serbe Milan Mojsiloviq, Ministrja e Drejtësisë Maja Popoviq, Drejtori i Zyrës për Kosovë dhe Metohi Petar Petkoviq, prokurorja Zagorka Dolovac, shefi i policisë së Beogradit Veselin Miliq dhe kryetari i Kuvendit Popullor Vladimir Orliq./ CNA.al

Lajmet e fundit nga