LEXO PA REKLAMA!

SHKARKO APP

Aksioni policor në veri të Kosovës/ Ambasadori amerikan, dënon ndërhyrjen

26 Maj 2023, 17:39, Kosova & Bota CNA
Aksioni policor në veri të Kosovës/ Ambasadori amerikan,
Ambasadori i SHBA në Kosovë, Jeffrey Hovenier

Ambasadori i SHBA në Kosovë, Jeffrey Hovenier, nëpërmjet një postimi në rrjetin social “Tëitter”, ka shprehur pakënaqësinë dhe mosdakordësinë e SHBA në lidhje me aksionin e forcave policore kosovare në Veri të vendit.

Hovenier dënon këtë veprimtari të policisë ditën e sotme, duke shtuar se dhuna duhet të ndalohet në mënyrë të menjëhershme.

“SHBA-ja dënon aksionin e ndërmarrë nga autoritetet e Kosovës për të hyrë në ndërtesat komunale në veri të Kosovës. Dhuna e sotme duhet të ndalohet menjëherë”, ka shkruar Hovenier.

Reagimi i ambasadorit Hovenier  vjen pas aksioneve të Policisë së Kosovës në tri komunat në veri të Kosovës, Zubin Potok, Zveçan dhe Leposaviç, për të siguruar mbarëvajtjen e ardhjes në detyrë në objektet komunale të kryetarëve të ri.

Hyrja e Policisë në objektet komunale mori shkas nga rezistenca e grupeve të qytetarëve në këto komuna të banuara me shumicë serbe.

Policia ka përdorur gazin lotsjellës për t’i shpërndarë qytetarët e mbledhur rreth tyre./ CNA.al

Lajmet e fundit nga