web counter
LEXO PA REKLAMA!

SHKARKO APP

App Store
Google Play

E fundit!

x

Scholz, i hapur për bisedime me Putin-in/ Thirrje për t’i dhënë fund konfliktit

26 Maj 2023, 12:48, Kosova & Bota CNA

Scholz, i hapur për bisedime me Putin-in/ Thirrje për t’i

Kancelari gjerman Olaf Scholz tha se ishte i hapur për të biseduar përsëri me Presidentin Vladimir Putin dhe bëri thirrje për paqe dhe për t'i dhënë fund konfliktit.

Deklarata vjen pas marrëdhënieve të tensionuara midis Rusisë dhe Gjermanisë pas pushtimit të Ukrainës nga Moska.

Scholz dhe Putin-i zhvilluan bisedën e fundit telefonike në dhjetor 2022. Biseda zgjati një orë, ku Scholz i kërkoi Putin-it të tërhiqte trupat e vendit të tij nga Ukraina, ndërsa presidenti rus akuzoi Perëndimin se po ndjek politika "shkatërruese" në rajon.

"Thirrja ime e fundit telefonike ishte disa kohë më parë," tha Scholz për gazetën "Koelner Stadt-Anzeiger, "Por unë po planifikoj të flas përsëri me Putin-in në kohën e duhur."

Scholz tha gjithashtu se Gjermania do të vazhdojë "të mbështesë në mënyrë aktive Ukrainën", por "në të njëjtën kohë të parandalojë një konflikt të drejtpërdrejtë midis NATO-s dhe Rusisë".

“Kurrë nuk duhet të veprojmë vetëm, por në koordinim të ngushtë me miqtë dhe aleatët tanë”, shtoi ai.

Në temën e një negociate të mundshme për t'i dhënë fund luftës, Scholz tha se Putin-i duhej të kuptonte se lufta nuk mund të përfundonte duke bërë "një lloj paqeje të ftohtë" që do ta kthente "vijën aktuale të frontit në "kufirin" e ri midis Rusisë dhe Ukrainës".

“Bëhet fjalë për një paqe të drejtë dhe parakusht për këtë është tërheqja e trupave ruse”, tha Scholz./ CNA.al





Lajmet e fundit nga